auentiure von den Nibelungen . UNS . IST . In mæren . wndˢs vil geſeit . von heleden lobebæren . vō grozer arebeit . von frevde vn̄ hochgeciten von weinen vn̄ klagen . von kvner rec=ken ſtriten . mvget ir nv wndˢ horen ſa=gen . Ez whs in Bvrͤgonden . ein vil edel magedin . daz in allen landen . niht ſchonˢs mohte ſín . Chriemhilt geheizen . div wart ein ſchone wip . dar vmbe mvſin degene . vil vˢlieſen den lip . Ir pflagen drí kunige . edel un̄ rich . Gunther un̄ Gernot . die rechen lobelich . vn̄ Giſelher dˢ íunge . ein wetlichˢ degen . div frowe was ir ſweſter die helde heten in pflegen . Ein richiv chuniginne . froͮ Vte ir mvtˢ hiez . ir vatˢ dˢ hiez Dancrât . dˢ in div erbe liez . ſit nach ſime lebene . ein ellens richˢ man . dˢ ovch in iugende . grozer eren vil gewan . Die hˢren wa=ren milte . von arde hoh erborn . mit kraft vn̄mazen chvne . die rechen vzerchorn . da z Bvrgonden . so waſ ir lant genant . ſi frvmten ſtarchiv wn=der . ſit in Etzelen lant . Ze wormze bí dem Rine . ſi wonten mit ir chᵃft . in dienten von ir landen . vil ſtolziv rittˢſchaft . mit lobelichen eren . vnz an ir endes zit . ſi ſturben iæmerliche . ſit von zweier frowen nit . die dri kunige waren alſ ich geſaget han . von vil hohem ellen . in waren vndˢtan . ovch die beſten rechen . von den man hat geſaget . ſtarch vn̄ vil chvͦne . in ſtriten vnvˢzaget . Daz was von tronege hagene . vn̄ ovch dˢ brudˢ ſin . Danchwart dˢ ſnelle . von Metzzen Ortwin . die zwene Marcgᵃuen . Gere vn̄ Ekkewart . Volker von Alzeýe . mit ganzem ellen wol bewart . Rvͦmolt dˢ chvchenmeiſtˢ . ein vzerwelter degen . Sindolt vn̄ Hvnolt . diſe herren mvſin pflegen . deſ hoveſ vn̄ dˢ eren . dˢ drier kunige man . ſi heten noch manigen rechen . deſ ich genennen nienen kan . Danchwart dˢ waſ marſchalch . do was dˢ nefe ſin . Trvhſetzze deſ kuniges . von mezzen Ortwin . Sindolt dˢ was ſchenche . ein wetlichˢ degen . Hvnolt was chame=rere . ſi chunden hohˢ eren pflegen . Von des hofes ere . vn̄ von ir witen chᵃft . von ir vil hohen wˢdekeit . vn̄ von ir rittˢſchaft . dˢ die herren pflagen . mit frevden al ir leben deſ en iv ze ware . niem̄ gar ein ende geben . IN Diſen hohen eren . trvmte Chriemilde . wie ſi zvge einen valchen . ſtarch ſchon vn̄ wilde . den ir zwene arn erchrvmmē . daz ſi daz mvſte ſehen ir en in wˢlde . leidˢ nimmˢ geſchehē . Den trvͦm ſi do ſagete . ir mvͦ=ter . vͦten . ſi chund niht beſchaiden . baz dˢ gvten . der valche den dv ziv=heſt . daz iſt ein edel man . in welle got behvten . dv mvſt in ſchier vloren han . Waz ſaget ir mir von manne . vil liebiv mvtˢ min . ane rechē min=ne . ſo wil ich immˢ ſin . ſvſ ſchon ich wil belibē . vnz an minen tot . daz ich von rechen minne . ſol gewinnen nímmˢ not . Nv vˢſpⁱch ez niht ze ſere . ſpᵃch ir mvtˢ do . ſolt immˢ hˢcēliche . z wˢlde werden vro . daz chvmt von mannes minne . dv wirſt ein ſchone wip . ob dir got gefuget eins rehte gvten rittˢs lip . Die rede lat beliben . vil liebiv frowe mín . ez iſt an manigen wiben . vil diche worden ſchin . wie liebe mit leide . ze lonen chan . ich ſol ſi miden beide . ſo chan mir nimmˢ miſſegan . Chriemhilt in ir mvte . ſich minne gar bewach . ſit lebete div uil gvte . vil manigen lieben tac . daz ſi weſſe niem̄ . den minnen wolde ir lip . ſit wart ſi mit eren . ei=neſ vil werden rechen wip . Der waſ der ſelbe valche . den ſi in ir trvͦme ſach . den ir beſchiet ir mvͦtˢ . wie ſere ſi daz rach . an ir nehſten magen . die in ſlv=gen ſint . durch ſin eines ſterben . ſtarp vil manich mvͦtˢ kint . Auent᷑ von Sivride wie der erzogen wart . DO Wͦhs in . einſ edeln kuniges chint . des vatˢ dˢ hiez Sígemvnt . ſin mvtˢ Sigelint . in richen burge . witen wol bechant . nidene bi dem Ríne . div was ze Santen genant . Sifrit was geheizen . dˢ ſnelle degen gvͦt . er vˢſvchte vil dˢ riche . dvrch ellenthaften mvͦt . durch ſines libes ſterche . ſvͦcht fremidiv lant . heý waz er ſneller degene . ſit ze Buregonden vant . Ê.daz dˢ degen chvne . vol whſe ze . do het er ſolhiv wndˢ . mit ſinˢ hant getan . da von man immˢ mere . mac ſingen vn̄ ſagen . des wir in ſtunden . mvzen vil von im gedagen . In beſten ziten . bi ſinen iungen tagen . man mohte mic=hel wnder . von Sifriden ſagen . waz eren an im whſe . vn̄ wie ſchone was ſin lip . des heten in ze . div vil wetlichen wíp . Man zoh in mit dem vlize . als im daz wol gezam . von ſin ſelbes tvgenden . waz zvht er an ſich nam . deſ wrden ſit gezieret . ſines vatˢ lant . daz man ín z dingen . ſo rehte herlichen vant . Vil ſelten ane hvͦte . man riten lie daz kint . in hiez mit wæte zieren . ſin mvtˢ Sýgelint . ſin pflagen ovch die wi=ſen . den ere was bekant . des moht er wol gewinnen . beidiv lvͦt vn̄ lant . Nv was er in ſterche . daz er wol waffen trvͦch . ſwes er da zv bedorfte . des lag an ím genvͦch . do begvnd ſinnen . werben ſchoniv wip . die trvͦten wol mit eren . den ſi=nen wetlichen lip . Do hiez ſin vatˢ ſigemvnt . chunden ſinen man . er wolde hoch=gecite . mit lieben friunden han . div mære man do furte . in vremdˢ kunige lant . den geſten vn̄ den chunden . gap man roſſe vn̄ ovch gewant . Swa man vaN‍T deheinen . dˢ rittˢ ſolde ſin . von art dˢ ſinē mage . div edeln kindelin . dv ladet man zv dem lande . durch die hochgecit . mitſamt dem íungen kunige . ſwˢt genam̄ ſi ſit . Von dˢ hochgecite . man mohte wndˢ ſagen . Sigemvnt vn̄ Sigelint . die chvnden wol beiagen . mit gvte michel ere . des teilte vil ir hant . des ſah man vil dˢ fremden . zvz riten in lant . Vier hundˢt ſwˢtdegene . die ſolden tra=gen chleit . mit dem íungen kunige . vil maníc ſchoniv meit . mit wˢche was vnmvzich . wande ſi in waren holt . vil dˢ edeln ſteine . die frowen leiten in golt . Die ſi mit porten wolden . wrchen vf ir wat . den ſtolzen ſwˢtdegenen deſ en niht rat . der wirt dˢ hiez do ſidelen . vil manigem chvnē man . z ſvnewenden . da er die hochgecite wolde han . Do gie z mvnſtˢ . vil manic ríchˢ kneht . vn̄ vil dˢ edeln rittˢ . die wiſen heten reht . daz ſi den tum=ben dienten . alſ in was ê getan . ſi heten kvrzwile . vn̄ ovch vil manigˢ vrov=den wan . Got man z eren . ein meſſe ſanc . do wart von den lvten . vil michel dˢ gedranch . da ſi ze wrden . nach rittˢlichˢ ê . mit alſo grozzen eren . daz wetlich immˢ me erge . Si liefen da ſi funden . geſatelt manic march . in Sigemundes . dˢ bvhurt wart ſo ſtarch . daz man erdiezen horte . Palas vn̄ Sal . die hochgemvten degene . heten vrolichen ſcal . Von wiſen vn̄ von tumben . man horte manigen ſtoz . daz dˢ ſchefte brechen . gein dem lufte doz . Trunzvne ſach man vliegen . fur den palas dan . da ſahen churzewile . beidiv wip vn̄ ovch die man . Der chunich bat iz lazen . do zoch man dan div march . man ſach ovch da zebrochen uil manige bukkel ſtarch . vil der edeln ſteine . geuellet vf daz graſ . an liehten ſchildes ſpangen . von hvrten daz geſchehen was . Do giengen wirtes geſte . da man in ſitzen riet . vil dˢ edeln ſpiſe . ſi von dˢ mvͦde ſchiet . vn̄ win dˢ allerbeſte . den man mit vollen trvͦch . den vremden vn̄ den kunden . bot man eren da genvͦch . Solchˢ kurcewile ſi pflagen al den tac . vil dˢ varndˢ diete . rẘe ſich bewac . ſi dieten nach dˢ gabe . die man da riche vant . des wart mit lobe gezieret . allez Sigemundes lant . Der hˢre hiez do lihen . ſinen ſvn den iungen man . lant un̄ purge . als er e het getan . den ſínen ſwˢtgenôzen . gap do vil ſine hant . do liebt in do div reiſe . daz ſi chomen in lant . Div hochgecite do werte vnz an den sibenden tac . Sigelint div riche . nach alten ſiten pflac . durch ir kindes liebe . geben rotez golt . ſi kun=d wol gedienen . daz ſi ir ſvne warn holt . Lutzel deheinen varnden armen man da vant . roſſe vn̄ kleider . daz ſtvͦp in von dˢ hant . ſam ſi ze heten mer deheinen tac . ich wene ie ingeſinde . ſo grozzer milte gepflac . MIt lobelichen eren . ſchiet ſich div hochgecit . von des landes hˢren . hort man wol ſit . daz ſi den iungen wolden . z vogete han . des en in do niht volgen . Sifrit dˢ wêtlich man . Sitdaz noch beide lebten . Sigemunt vn̄ Sige=lint . níht wolde tᵃgen krone . noch ir liebez kint . doch wold weſen hˢre . fur al=len den gewalt . des in den landen vorhte . dˢ degen kvn vn̄ balt . In dorfte nie=men ſchelten . ſit do er wafen genam . ia gerẘete vil ſelten . dˢ reche lobeſam . ſvchte niwan ſtriten . ſin ellenthaftiv hant . tet in z ziten . in vremeden richen wol bekant . Auent᷑ wie Sivrit ze wormze chome . DEn hˢren mvten ſelten . deheiniv hˢcenleit . er horte ſagen mære . wie ein ſchoniv meit . in Burgonden wære . ze wol . da von er ſit vil arebeit . vn̄ ovch frevden gewan . Div ir vnmazen ſchone . was vil witen chunt . vn̄ ir vil hoch . zv dˢ ſelben ſtunt . an dˢ iunchfrowen . ſo ma=nic helt ervant . ez ladete vil dˢ geſte . in Gvnthˢes lant . Swaz man nach ir minne . dˢ werbendē ſach . Chriemhilt ín ſinne . ir ſelbˢ nie vˢiach . daz ſi de=heinen wolde . z trvte han . er was ir noch vil vremde . dem ſi wart ſider vndˢtan . Do gedaht vf hohe minne . daz Sigelinde chint . ez was ir aller werben . widˢ in ein wint . er mohte wol vˢdienen . ſchonˢ frowen lip . ſit wart div edel Chriemhˢ . des ſtarchen Sifrides wip . Im rieten ſine mage . vn̄ genvge ſine man . ſitdaz er vf minne . vlizzen ſich began . daz er eine næme . div im mohte zemen . Do ſpᵃch dˢ hˢre Sifrit . ſo wil ich Chriemhˢ nemen . Die edeln iuncfrowen . vz Burgonden lant . durch ir vil grozen ſchone . vō ſage iſt mir bechant . nie keiſer wart ſo riche . dˢ wolde haben wip . im en wol ze . dˢ iungen kuníginne lip . Diſiv ſelben mære . vˢnam do Sigemvnt ez reite ſin geſinde . da uon wart im chunt . dˢ wille ſines kindes . was im grimme leit . daz er werben wolde . die vil hˢlichen meit . Ez gefrieſch ovch Sigelint . des edeln kuniges wip . ſi hete grozze ſorge . vmbe ir kindes lip . den vorhte ſi vˢ=lieſen . von Gunthˢs man . den gewerp man do dem degene . ſere leiden began . Do ſpᵃch dˢ ſtarche Sivrit . vil liebˢ vatˢ min . ane edeler frowen minne . wolde ich immˢ ſin . ich en dar min hˢce . vil groze liebe hat . ſwaz ieman reden chunde . des iſt deheinˢ rat . Sit dv niht wil erwinden . ſpᵃch dˢ kunic do . ſo bin ich dines willen . inneklichen vro . vn̄ wil dir helfen fugen . ſo ich beſte chan . doch hat dˢ chunic Gvnthˢ . vil manigen vbˢmvten man . Ob andˢ niem̄ wære . wan hage=ne dˢ degen . dˢ chan mit vbˢmvte . dˢ hochvˢte pflegen . daz ich vil ſere fvrhte . de vnſ werde leit . ia iſt mir ſolhˢ mære . dicke vil von ín geſeit . Waz mag vns daz gewˢren . ſpᵃch do Sifrit . ſwaz ich friwentliche niht ab in erbit . daz mac doch mit ellen . erwerben wol min hant . ich trow im an ertwingen . bediv lvt vn̄ lant . Do ſpᵃch dˢ furſte Sigemvnt . din rede div iſt mir leit . wan wrden diſiv mære . ze Rine geſeit . dv dorftes nimmˢ . geriten in lant . Gunthˢ vn̄ Gernot . ſint mir lange wol bekant . Mit gewalt niem̄ . erwerben mac die meit . ſo ſpᵃch dˢ kunic Sigemvnt . daz iſt mir wol geſeit . wellen abˢ wir mit rechen . riten in lant . vnſern beſten friwenden . ſol div reiſe ſin bechant . Deſ en mir niht ze . ſpᵃch do Sifrit . daz mir ſvln rechen . ze Rine volgē . mit . durch deheine hervart . daz were mir leit . da mit ich ſolde ertwingen . die vil hˢlichen meit . Si mac ſvs wol erwˢben . da min eines hant . ich wil mit zwelf in Gunthˢs lant . dar ſult ir mir helfen . vatˢ Sigemunt . do gap man ſinen degenen . ze gra . vn̄ punt . Do vˢnam ovch diſiv mære . ſin mvtˢ Sigelint . ſi begunde trvren . vmbe ir liebez kínt . ia vorhte ſi vil ſere . die Gunthˢes man . div edele kuniginne . dar vmbe weinen began . Do chom dˢ herre Sivrit . da er die frowen ſach . widˢ ſine mvtˢ gvͤtlich ſpᵃch . ir ſvlt niht weinen . d᷑ch den willen min . ia wil ich ane ſorge . vor allen wiganden ſin . Nv helfet mir der reiſe . in Burgonden lant . daz ich un̄ mine rechen . haben ſolch gewant . daz ſo ſtolze degene . mit eren mvgen tragen . des wil ich genade . iv mit tri=wen immˢ ſagen . Sit dv niht wil erwinden . ſpᵃch do Sigelint . ſo hilf ich dir dˢ reiſe . min einigez kint . mit dˢ beſten wæte . die rittˢ ie getrvͦch . dir vn̄ den dinen degenen . ir ſult ir furen genvͦch . Des neig ir mit zvhten . dˢ vil chvne man . er ſpᵃch ich wil z . niem̄ mere han . niwan zwelf geſellen . den ſol man prufen wat . ich wil vˢſvchen gerne . wie ez vmbe Chriemhilde ſtat . Da ſazen ſchone frowe . naht un̄ tac . luzzil deheinˢ mvͦze . ir deheíniv pflach . vnze ſi geworhten die ſifrides wat . er wolde ſinˢ verte . han deheinˢ rat . Sin vater hiez im zieren . ſin rittˢlich gewant . da er varn wolde . in Burgonden lant . die ir uíl liehten brunne . die wrden ovch bereit . vn̄ ir vil gvten helme . ir ſchildᵉ ſchon vn̄ breit . Do nahet in reiſe . z Burgonden dan . ſi heten vmbe ir ſorge . wi im ſolde ergan . ob ſi immˢ widˢ ſolden . chom̄ in lant . do ſvͦmte man den degenen . von dannen waffen vn̄ gewant . Ir roſſe div warn ſchone . ir gereite goldes rot . lebt iem̄ vbˢmvtˢ des en niht not . denne wære Sivrit . vn̄ die ſine man . wie ſchone er vrlovbes gerte z Burgonden dan . In werte trvͦ=rechliche . dˢ kunic vn̄ ovch ſín wip . er troſte minneklichen . do ir beidˢ lip . er ſpᵃch ir ſuͦlt niht weinen . durch den willen min . immˢ ane ſorge . mvget ir wol mines libes ſin . Ez was leit den rechen . ez weint ovch manic meit . ich wæn in rehte . ir herce daz geſeit . daz in ſo vil ir friwende . da von gelege tot . von ſchulden ſi do klageten . des gie in endeliche not . An dem ſehſten mor=gen . ze vf den ſant . riten die vil chunen . allez ir gewant . was uon ro=tem golde . ir gereite wol getan . ir roſſ div giengen ebene . des hˢren Sifrides man . Ir ſchilde warn niwe . ſtarc vn̄ breit . vn̄ lieht ir helme . da ze reit . Sifrit dˢ vil chune . in Gunthˢes lant . man geſach an heleden . nie ſo hˢlich ge=want . Div ort dˢ ſwerte giengen . nidˢ vf die ſporn . ez furten ſcharpfe geren . die rittˢ vzerchoren . Sivrit dˢ furt ir einen . wol zweier ſpannen breit . dˢ ze ekken . harte vreiſlichen ſneit . Die goldes roten zevme . furten an hant . von ſiden furgebuge . ſus chomen in lant . daz volch ſi allenthalben . kapfen an began . do liefen in engegene . des kunic Gunthˢes man . Die hochge=mvten rechen . rittˢ vn̄ knehte . die ſprungen in begegene . daz was michel reht . vn̄ enpfiengen diſe geſte . in herren lant . ſi nam̄ in die moͤre . vn̄ ir ſchilde von dˢ hant . Div roſſ ſi wolden dannen . ziehen an ir gemach . Sifrit dˢ ſtarche . zv den helden ſpᵃch . Lat uns noch die moͤre . eine wile ſtan . wir wellen ſchiere hinnen . des ich gvten willen han . Man ſol ovch unſˢ ſchilde . nindˢ von uns tragen . wa ich den kunic uinde . kan mir daz iemen ſagen . Gunthˢn den ri=chen . vz burgonden lant . do ſaget im ir einer . dem iz rehte was bekant . Welt ir den kunic uinden . daz mac vil wol geſchehen . vf ienem ſal witen . han ich in geſehen . bi den ſinen degenen . welt ir zvz gan . ir mvget da vor im vinden . manigen vzerwelten man . Do waren ovch dem kunige . div mære nv geſeit . daz vf ſinem hofe wæren . rittˢ vil gemeit . die furten liehte brunne . vn̄ herlich gewant . ſi en niem̄ in Burgonden lant . Den wirt des hete wndˢ . von wanne koͤm̄ dar . die hˢliche rechen . in wæte liehtgevar . un̄ mit ſo ſchonen ſchilden . niwe un̄ breit . daz im daz niem̄ ſagete . daz was im groͤz=liche leit . Des antwrte ein reche . dˢ hiez ortwin . ſtarch un̄ chvͦne . moht wol ſin . ſit wir ir niht erchennen . ſo ſult ir heizen gan . nach mime hoheim hagene . den ſul wir ſi ſehen lan . Dem ſint kunt div riche . vn̄ ovch div fremden lant . mag ſi bekennen . daz tvͦt er uns bechant . In hiez dˢ chunic bringen . mit den ſinen man . ſach man in zvhtekliche . ze fur den chunic gan . Waz ſin dˢ kunic wolde . des vragete hagene . ez ſint in huſe . vremde degene . die niem̄ hie bekennet . ob ir ſi ê geſehen . habt in landen . des ſvlt ir hagene mir vˢiehen . Daz tvn ich ſichˢliche . z venſtˢ er do gie . ſin ovge er do wenchen . zv den geſten lie . wol behagete im ir geverte . vn̄ ovch ir ge=want . ſi warn im vil vremde . in Burgonden lant . Er ſpᵃch von ſwannen furen . die rechen an den Rin . ez mohten ſelbe furſten . odˢ furſtenboten ſin . Ir roſſ div ſint ſo ſchone . ir chleidˢ harte gvͦt . ſwannen ſi ioch riten . ſi ſint vil hohe gemvͦt . Alſo ſpᵃch do Hagene . alſ ich mich kan vˢſtan . ſwie ich Sifriden noh nie geſehen han . ſo wil ich wol getrowen . ſwie ez ſich gefuget hat . ſo iſt ez dˢ reche . dˢ dort ſo herlichen ſtat . Er bringet niwe mære . her in lant . die Chvnē Nibelunge . ſlvch des heldes hant . Schilbunc vn̄ Nibelunch . div richen kuniges chínt . er frumte ſtarchiv wndˢ . mit ſinˢ grozen chrefte ſint . Da dˢ helt aleine . an alle helfe reit . er vant vor einem berge . daz iſt mir wol geſeit . Bi Nibelunges horde . vil manigen kunen man . die warn im ê fremde . vnz er ir chunde da gewan . Hort der nibelunges . dˢ was gar getragen . vz einem holn bˢge . nv horet wndˢ ſagen . wie in teilen wolden . dˢ Nibelunge man . daz ſach der degen Sifrit . den helt es wndern began . Er chom zvz ſo nahen . daz er die rechen ſach . vn̄ ovch in die degene ir einer dr ſpᵃch . hie chumt dˢ ſtarch Sivrit . dˢ helt von Nidˢlant . vil ſeltſeniv mære . er an den Nibelungē vant . Den rechen wol enpfiengen . Schilbunc vn̄ Nibeluch . mit gemeinē ſite . die edeln furſten iunch . den ſchaz in baten teilen . den vil chunen man . vn̄ baten in ſo lange . vnz er in loben began . Er ſach ſo vil geſteines . als wir horen ſagen . hundˢt Chantzwægene . ez mohten níht getragen . noch me des roten goldes . von Nibelunge lant . daz ſolde in allez teilen . des chunen Sifrides hant . Do gaben ſi im ze miete . daz Nibelunges ſwˢt . ſi wrden mit dem dienſte . vil vbele gewˢt . den in da leiſten ſolde . dˢ vil chune man . er kund niht vˢenden . do wart dˢ helt von in beſtan . DEn ſchatz er vngeteilet . beliben mvſe lan . do begunden mit im ſtriten . dˢ zweier kunige man . mit ir vatˢ ſwerte . daz Palmvnch was genant . ez ſtreit ab dˢ chune . den hort vn̄ Nibelung . Si heten da ir friunde . zwelf chune man . die ſtarch alſ riſen warn . waz chund ſi vˢvan . die ſlvͦch ſit mit zorne . div Sifrides hant . vn̄ rechen Siben . dwang von Nibelunge lant . Dar zv die richen kunige . die ſlug beide tot . er chom von Albriche . ſit in not . dˢ wande ſine herren . rechen da zehant . vnz er die grozen ſter=che . ſit an Sifride vant . Do chunde im geſtriten . daz ſtarche getwerch . al=ſam die Lewen wilde . ſi liefen an den berch . da er die Tarnkappen . Albrichæ ane gewan . do wart des hordes herre . Sifrit dˢ vil chune man . Die da getor=ſten ſtriten . die lagen alle erſlagen . den ſchatz hiez er do balde . furen vn̄ tra=gen . da in ê da namen . die Nibelunges man . Albrich dˢ vil ſtarche . do die ka=meren gewan . Er mvͦs im ſwern eide . er dient im ſo ſin kneht . allˢ dienſte . was er im gereht . ſo ſpᵃch von Tronege Hagene . daz hat er getan . alſo grozer chrefte . nimere reche gewan . Noch weiz ich an im mere . daz mir iſt bekant . einen lintrachen . ſluͦch des heledes hant . do badet er in dem blvͦte . deſ iſt dˢ helt gemeit . von alſo veſtˢ hvte . daz in nie wafen ſit vˢſneit . Nv ſvln wir den rechen . enpfahen deſte baz . daz wir iht vˢdienen . den ſinen ſtar=chen haz . ſin lip dˢ iſt ſo chune . man ſol in holden han . er hat mit ſinen ellen ſo mænigiv wndˢ getan . Do ſpᵃch dˢ chunich riche . dv maht wol haben war . nv ſich wie degenliche . er ſtet gein ſtrites var . er unt die ſine dege=ne . dˢ wndˢchune man . wir ſuln im begegene . hin nidˢ zv dem rechen gan . Daz mvgt ir ſpᵃch do Hagene . wol mit eren tvn . er iſt von hohem chunne . eines richen kuniges ſvn . er ſtet in dˢ gebære . mich dunchet wizze chⁱſt . ez en niht kleiniv mære . dar er her geriten iſt . Do ſpᵃch dˢ wirt des landes . nv ſi vns willechomen . er iſt edel un̄ chvͦne . daz han ich wol vˢ=nom̄ . des ſol ovch er geniezen . in Burgonden lant . do gie dˢ chunic Gunthˢ da er Sifriden vant . Der wirt vn̄ ſine rechen . enpfiengen ſo den gaſt . daz in an ir zvhten . wenich iht gebraſt . des begunde ín nigen . dˢ vil chune man . man ſah in zvhtekliche . mit den ſinen rechen ſtan . Mich wndˢt dirre mære . ſpᵃch dˢ wirt zehant . von wanne ir edel Sifrit . ſit chom̄ in lant . odˢ waz ir wˢbet . ze an den Rin . do ſpᵃch dˢ gaſt z kunige . daz ſol ivch vnvˢdaget ſin . Mir wart geſaget mære . in vatˢ lant . daz hie bi iv wæ=ren . daz het ich gern erkant . die chunſten rechen . des han ich vil vˢnom̄ . die ie kunic gewnne . dar bin ich her bechom̄ . Ovch hort ich iv ſelben . dˢ degenheite iehen . daz man kunic deheinen . chunˢ habe geſehen . des giht iv vil dˢ lute . vbˢ elliv diſiv lant . nv wil ich niht erwinden . vnz ez mir werde bechant . Ich bin ovch reche . vn̄ ſolde chrone tᵃgen . ich wil daz gern fugen . daz ſi von mir ſagen . daz ich habe von rehte . lute vn̄ lant . dar ſol mī ere . vn̄ min hovbt weſen pfant . Nv ir ſit ſo chune . als mir iſt geſeit . ia rvche ich iſt ez iemen . liep odˢ leit . ich wil an iv ertwingen . ſwaz ir mugt han . lant vn̄ burge . daz ſol mir weſen allez undˢtan . Den chunic hete wndˢ . vn̄ ſine man alleſam . vmbe diſiv mære . die er hie vˢnam . daz er des hete willen . er næme im ſiniv lant . daz horten ſine degene . do wart in zvͤr=nen bechant . Wie hete ich daz vˢdienet . ſpᵃch Gunthˢ . der degen . des min vatˢ lange . mit eren hat gepflegen . daz wir daz ſolden vlieſen . von iemannes kᵃft . wir liezen vbel ſchinen . daz ovch wir pflegen rittˢſchaft . Ich en eſ niht erwinden . ſpᵃch abˢ dˢ chune man . ez en von dinem ellen . din lant den vri=de han . ich wil alleſ walten . vn̄ ovch div erbe min . erwirbeſ mit ellen . die ſvln von rehte weſen din . Din lant vn̄ ovch daz mine . ſuln geliche ligen . ſwedˢ unſˢ einˢ . a andˢn mac geſigen . dem ſol ez allez dienen . die lute vn̄ ovch div lant . da widˢ redet aleine . dˢ hˢre Gernot zehant . Wir han des niht gedingen . ſpᵃch do Gernot . daz wir iht lande irtwingen . daz iemen dr tot . ge=lige vor rechen handen . wir haben richiv lant . div dienent vns von rehte . ze ſint ſi baz bewant . IN vil grimmē mvͦte . da ſtunden die fríunde ſin . do was ovch dar vndˢ . dˢ herre Ortwin . dˢ ſpᵃch diſiv ſvͦne . iſt mir von hˢcen leit . iv hat dˢ ſtarche Sifrit . vnvˢdienet widˢſeit . Ob ir vn̄ iwˢ brudˢ . hetet niht die wer . vn̄ ob er danne furte . ein michil kuniges her . ich trẘte wol erſtriten . daz dˢ chune man . die grozen vbˢmvͤte von warn ſchulden mvſe lan . Daz zvrnde harte ſere . dˢ helt von Nidˢlant . ſich en niht vˢmezzen . widˢ mich din hant . ich bin ein kunic riche . ſo biſ kuniges man . ia en dir niht mit ſtrite . deheinen minen genoz beſtan . Nach ſwerten rief do ſere . von Metzen Ortwin . er mohte Hagenen ſweſter ſuͦn . von Tronege vil wol ſin . daz dˢ ſo lange dagete . daz was dem kunige leit . do vnderſtund Ger=not . dˢ Rittˢ kvͦne . vn̄ gemeit . Er ſpᵃch ze Ortwine . lat iwˢ zvrnen ſtan . vns en hˢre Sifrit . ſolhes niht getan . wir en mugen ez noch wol ſcheiden . mit zvhten de min rat . vn̄ haben in ze . daz uns lobelichˢ ſtat . Des antwrte Hage=ne . vns mac wol weſen leit . allen iwern degenen . daz er ie gereit . durch ſtriten hˢ ze Rine . er ſold haben lan . im heten mín hˢren . ſolhˢ leide niht getan . Do ſpᵃch abˢ Sifrit . dˢ chreftige man . mvte ivch daz her Hagene . daz ich geſproc=hen han . ſo ſol ich lazen chieſen . daz die hende min . wellent vil gewaldech . hie z burgonden ſin . Daz ſol ich eine wenden . ſpᵃch do Gernot . allen ſinen degenen . reden er vˢbot . iht mit vbˢmvͤte . des im wære leit . do gedaht ovch Sifrit . an die vil hˢlichen meit . Wie zæme vns mit iv ſtriten . ſpᵃch abˢ Ger=not . ſwaz helde nv dar undˢ . mvſen ligen tot . wir heten luzzil ere . ob wir ez wolden tvͦn . des antwrt ſifrit . des kunic Sigemundes ſun . War bi=tet Hagene . vn̄ ovch Ortwin . daz er niht gahet ſtriten . mit den frivnden ſin . dˢ er alſo manigen . hie ze hat . ſi mvſin rede vˢmiden . daz was Gernotes rat . Ir ſult vns weſen willechom̄ . ſpᵃch Giſelhˢ daz kint . vn̄ iwˢ hergeſellen . die hie mit iv ſint . wir ſuln iv gerne dienen . ich un̄ die mage min . do hiez man den geſten . ſchenchen Gunthˢes wín . Do ſpᵃch dˢ wirt des landes . allez daz wir han . gervchet ir nach eren . daz ſi iv vndˢtan . vn̄ ſi mit iv geteilet . lip un̄ gvͦt . do wart dˢ hˢre Siurit . ein luzzel ſenftˢ gemvͦt . Do hiez man in be=halten . alliz ir gewant . man gab in hˢberge . die beſten die man vant . Si=vrides knappen . man ſchvͦf in gvͦt gemach . den gaſt man ſit vil gerne . da z Buregonden ſach . Man bot im michel ere . dar nach ze tagē . tuſint ſtunden mere . danne ich iv kunde geſagen . daz hete vˢſcholt ſin el=len . ir ſvlt wol wizzen daz . in ſach vil luzzil iemen . der im were gehaz . Sich vlizzen kurzewile . die kunige vn̄ ovch ir man . ſo was er ie dˢ beſte . ſwes man da began . des chunde im volgen niemen . ſo michel was ſin kᵃft . ſo ſi den ſtein wrfen . odˢ ſchuzzen den ſchaft . Swa ſo vor den frowen . durch ir hofſcheit . churzewile pflagen . die rittˢ vil gemeit . da ſah man ie vil gern . den helt vz nidˢlant . er het vf hohe minne . ſine ſinne gewant . Ze die ſchonen frowen . vrageten mêre . wer der ſtolze vremde . reche wêre . ſin lip dˢ iſt ſo ſchone . vil riche . ſin gewant . do ſpᵃchen ir genvge . ez iſt dˢ chunic von Nidˢlant . Swes iemen da begunde . des was ſin lip bereit . er trvͦch in mvte . ein minnekliche meit . vn̄ ovch in ein div frowe . die er noch nie geſach . div im in . vil dicke gvtliche ſpᵃch . Swenne vͦf hofe wolde . ſpilen da div kint . rittˢ vn̄ knappen . daz ſach vil diche ſint . Criemhˢ durch div venſtˢ . div kuniginne her . deheinˢ kurzewile . bedorfte div kuniginne mer . Vn̄ weſſ daz in ſehe . die er in trvͦch . da het er kurcewile . immˢ ane genvͦch . ſolt ovͦch er ſi ſehen . ir ſult gelovben daz . daz im in wˢlde . chunde nimmˢ werden baz . Swenn bi den rechen . vf dem hofe ſtvnt . alſo noch die lute . durch kurzewile tvͦnt . ſo ſtvnt ſo minnekliche . daz Sigelinde chint . daz in dvrch hˢcenliebe . trvtte manic frowe ſint . Er daht ovch manige zite . wie ſol daz geſchehen . daz ich die maget edele . mit ovgen mvge geſehen . die ich vō hˢcen minne . vn̄ lange han getan . div iſt mir vil vremde . des mvz ich dicke truric ſtan . Swenne die kuníge riche . riten in lant . ſo mvſin ie die rechen . mit in alzehant . da mit reit ovch Sifrit . daz was den frowen leit . er het d᷑ch hohe minne . diche michel arebeit . Svs wont bi den herren . daz iſt alwar . in Gunthˢes lande . volleklich ein iar . daz er die minneklichen . die zite nie geſach . von dˢ im ſit vil liebe . vn̄ ovch vil leide geſchach . Auent᷑ wie Sivrit mit den Sahſen ſtreit . Gewalt des vbelen Hagenen . dˢ duhte ſi ze . ſi het ir opfergoldes . noch wol tuſint march . daz teilte ſi dˢ ſele . irſ vil liebē man . daz dvͦhte Rvdegere . in triwen getan . Do ſpᵃch div frowe Chriemhˢ . wa nv frivnde min . die dvrch mich ellende . z Hunin wellen ſín . vn̄ mit mir ſvln riten . in Ezelen lant . die nemen golt daz mine . vn̄ chavffen roſſe vn̄ ovch gewant . Des antwrte ir ſchiere . dˢ marcgᵃ Ekkewart . ſit ich iwˢ geſinde ie von erſte wart . ſo entweich ich iv nie triwen . ſpᵃch dˢ chune degn . vn̄ wil iv immˢ dienen . diewile wir beide lebn megn . Ich wil ovch mit mir fvͤren . hundˢt minˢ man . dˢ ich iv ze . wol mit triwen gan . wir ſin vngeſcheiden . ez en dˢ tot . dˢ rede neig im Chriemhˢ . daz ir dˢ helt ſo wol erbot . Do zoh man dar die moͤre . ſi wolden varn dan . da wart vil michel weinen . von frivnden getan . froͮ Vte div gvͦte . vn̄ manic ſchoͤne meit . die zeigeten daz in wâre . nach dˢ kuniginne leit . Hvndˢt ſchoner megede . div frowe mit ir nam . die wrden ſo gechleidet . als in daz wol . vf vil liehten bovge . die træhene vielen nidˢ . ſi gelebten vil dˢ frev=de . dort bi Ezelen ſidˢ . IR brvͦder chomen beide . Giſelher un̄ Gernot . mit ir ingeſinde . als in ir zvht gebot . do wolden ſi beleiten . ir liebe ſwe=ſter dan . ovch fvrten ſi ir degene . mit in wol tvſint chune man . Do chom dˢ ſnelle Gere . vn̄ ovch Ortewin . Rvmolt dˢ chuchen meiſtˢ . da mite mvſe ſin . ſi ſchvfen die nahtſelde . dˢ frowen vf den wegn . Volcher was ir marſchalch . dˢ ſolde ir herberge pflegen . Nach chuſſen michel weinen . wart da vil vˢnomen . êdaz ſi von dˢ burge . ze velde wærn chomen . vz riten vn̄ giengen . die ſi nie gebat . do reit dˢ chunic Gunthˢ . mit ir ein wenich fvͤr die ſtat . Ê ſi von huſe fvͤren . ſi heten fvͤr geſant . ir bo=ten harte ſnelle . in Hunin lant . die dem chvnige ſageten . daz im Rv=deger . ze hete gewnnen . die edeln chuniginne her . Di boten ſtri=chen ſere . in was dˢ reiſe not . durch die grozen ere . vn̄ durch richiv po=tenbrot . do ſi ze lande waren . mit den mæren chomen . do het dˢ chunic Ezele nie ſo liebes niht vˢnomen . Durch diſiv lieben mære . hiez der chunich gebn . den boten ſolhe gabe . daz ſi wol mohten lebn . mit frev=den immer mere . dar nach vnze an ir tot . mit liebe was verſwnden . des chunigeſ chumber vnde NOT . Auent᷑ wie Chriemhilt von wormze ſchiet do ſi gein den Hvnen fvͦR DIe boten lazen riten . vn̄ tvn iv daz erchant wie div kvniginne . fvre dvrch daz lant . odˢ wa von ir cherten . ir brvdˢ beide widˢ . ſi heten ir ſo gedienet . daz ſi in mvſe danchen ſidˢ . Vrlovbes von ir gerte . do vil manic degen . ſi mvſin ſich ze vergen . dˢ reiſe hine bewegn . do ſi widˢ wolden . riten an den Rin . do moht ane weinen . von lieben frivnden niht geſin . Giſelhˢ dˢ ſnel=le . ſpᵃch z ſweſter ſin . ſwennedaz dv frowe . bedurfen welleſt min ob dir iht gewerre . daz tvͦ mir bechant . ſo rite ich dir ze dienſte . in Ezelen lant . Die ir ſippe waren . die chuſte an den munt . vil minneklichez ſcheiden . choſ man an dˢ ſtvnt . die ſnellen Burgonden . von Rvdegeres man . do fvrt div kuniginne . manige magt wol . Hundˢt vn̄ vie=re . die trugen pfawenchleit . von genagelten richen pfellen . vil dˢ ſchil=de breit . man fvrte bi den frowen . nahen vf den wegn . do nam ovch vr=lovp Volker . dˢ vil zierliche degn . Do ſi vbˢ Tvͦnowe . chom̄ in Beýer=lant . do wrden diſiv mêre . witen bechant . daz z Hunin fvͤre . Chriemhˢ div kunigin . des frevt ſich ir Oͤheim . ein Biſchof dˢ hiez Pilgerin . In ſtat ze Pazzowe . was er biſſchof . die herberge wrden lære . vn̄ ovch des fvrſten hof . ſi ilten gegen den geſten . vf in Baýerlant . da dˢ Biſſcof Pil=gerin . die ſchonen Chriemhˢ vant . Sinem ingeſinde . was daz niht ze . daz ſi ir volgen ſahen . ſo manige ſchone meit . da trvͦte man mit ovgen . der edeln ritter chint . vil riche herberge . gap man den edᵉln geſten ſint . Da ze Pledelingen ſchvf man in gemach . daz volch man allenthalben . zvͦz riten ſach . man gab in willechliche . des ſi bedorften da . ſi namen wol mit eren . alſ tet man ſidˢ andˢſwa . Div frowe mit ir Oͤheim . ze Pazzowe reit . ez was den Burgæren . dar niht ze . daz dar chomen ſolde . des furſten ſweſter chint . ſi wart vil wol enpfangen . von den kovflvten ſint . Daz ſi beliben ſolden . dˢ Biſſcof het wan . do ſpᵃch dˢ marcgᵃ . eſ en niht ergan . wir mvzin nidˢ riten . in Hvnin lant . vns wartet vil dˢ degene . wande ez in allen iſt bechant . Diſiv mæ=re ovch wiſte . div ſchone Goͤtelint . ſi bereite ſich mit vlize . gein ir frowen ſint . ir het enboten Rvdeger . daz in daz dvhte gvͦt . daz ſi dˢ kuniginne . da mite troſte den mvͦt . Daz ſi ir rite engegene . mit den ſinen man . vf zvͦ dˢ enſe . do daz wart getan . do ſah man allenthalben . vil vnmvͦze pflegn . durch dˢ geſte liebe . ſi mvſin rowe ſich bewegn . Si was dˢ næhſten nahte . ze Everdingen chomen . gnvͦge vz bayerlande . ſolden ſi han genom̄ . den roͮp vf dˢ ſtraze . nach ir gewonheit . ſo heten ſi den geſten . erboten eteſlichiv leit Daz hete wol behvͤtet . dˢ edel Rvͤdeger . er fvͦrte tvſint ritter . vn̄ dannoch mer . do was oͮch chomen Gotelint . des marcgᵃ wip . mit ir fvͦr herrenliche . vil maniges chvnen rechen lip . Do ſi vbˢ die Trvͦne chomen . bi enſe vf daz velt . do ſah man vf geſpannen . hvͤtten vn̄ gezelt . da die geſte ſol=den . die nahtſelde han . von Rvdegeres frivnden . wart in dienſte vil ge=tan . Gotelint div ſchoͤne . die herberge lîe . hindˢ ir beliben . vf den wegn gie . mit chlingenden zoͮmen . die moͤre wol . dˢ antfanch wart vil ſchoͤne . liep was iz Rvdegere ir man . Di in ze ſiten . chomen vf den wegen . die riten vroliche . dˢ was vil manic degen . ſi pflagen ritterſchefte . daz ſach vil manic meit . ovch was dˢ helede dieneſt . den ſchonen frowen niht ze . Do zvͦ den geſten chomen . die Rvdegeres man . vil dˢ trvͦnzvne . ſach man ze berge gan . von den rechen handen . mit ritterlic=hen ſiten . da wart wol ze . vor den frowen geriten . Daz liezen ſi be=liben . do grvzte manic man . vil gvtlich einandˢ . do fvrten ſi von dan . die ſchonen Gotelinde . da ſi Chriemhˢ ſach . die frowen dienen chunden . die muſin liden vngemach . Der voget von Bechelaren . zv ſime wibe reit . dˢ edelen marcgᵃuínne . was daz niht ze . daz er ſo wol geſundˢ . was vō Rine chomen . ia was ir vil ir ſorgen mit grozen vrevden benom̄ . Do ſi in het enpfangen . er hiez ſi vf daz gras . erbeizen mit den frowen . ſwaz ir da mit ir was . mit dienſte was vnmvzich . da vil manic man . dˢ wart den ſchonen frowen . mit grozem vlize getan . Do ſach div kuniginne . hie Gotelinde ſten . mit ir íngeſinde . ſi lie niht naher gen . daz pferit mit dem zovme . zvchen ſi began . ſi bat ſich heben balde . nidˢ von dem ſatel dan . Den biſſcof ſach man wiſen . ſiner ſweſter chint . in vn̄ Ekke=warten . zvͦ Gotelinde ſint . da wart vil michel wichen . an dˢ ſelben ſtvnt . do chuſte div ellende . an dˢ marcgᵃuinne munt . Do ſpᵃch vil minne=kliche . daz Rvdegeres wip . nv wol mich liebiv frowe . de iwern ſcho=nen lip . han in diſen landen . mit frevden hie geſehn . mir en in citen . nimmer lieber geſchehen . Nv lon iv got ſpᵃch Chriemhˢ . vil edel Gotelint . ſol ich geſvnt beliben . vn̄ Botelunges chint . ez mag iv chomen ze . daz ir mich habt geſehn . in beiden was unchvnde . daz ſidˢ mvͦſte geſchehn . Mit zvhten zvz . ſi ſazen vf den chlê . die gerne frowen ſahen . den was da niht ze we . ir ſveziv ovgenweide . braht in hohen mvͦt . den wiben ſam den mannen . als ez noch vil dicke tvͦt . Man hiez den geſten ſchenchen . ez was wol mittˢ tac . daz edel ingeſinde . da niht langer lac . ſi riten da ſi fvnden . vil manige hvtten breit . da was den werden geſten . vil groziv wirtſchaft bereit . Die naht ſi he=ten rowe . vnz an den morgen frvͦ . die von Bechelaren . bereiten ſich dar zvͦ . wie ſi behalten ſolden . vil manigen werden gaſt . wol het geſchaffen Rvdeger . daz in vil wenich iht gebraſt . Div venſter an den mvͦren . ſah man offen ſtan . div guͦte Bechelaren . div was vf getan . dar íne ri=ten geſte . die man vil gerne ſach . den het dˢ wirt vil edele . ſchaffen ric=hen gemach . Div Rvdegeres tohter . mit ir geſinde gie . da ſi die kv=niginne . vil minneklich enpfie . da bi was ovch ir mvͦter . des marcgᵃ . wip . mit liebe wart gegrvͤzet . vil maniger ivncfrowen lip . Si vi=engen ſich bi . vn̄ giengen dan . in einen Palas witen . dˢ was vil wol . da div Tvͦnowe . vnden hine vloz . ſi ſazen gegen dem lvͦf=te . vn̄ heten churcewile groz . Wes ſi nv mere pflêgen . deſ en ich niht geſagn . daz in ſo vbele zogete . daz horte man do chlagen . die Chriemhˢ rechen . wand was in leit . heý waz gvter degene . mit ir vō Bechelaren reit . Vil minneklichen dieneſt . dˢ marcgᵃ in bot . do gabt div kuniginne . zwelf povge rot . dˢ Gotlinde tohter . vn̄ alſo gvͦt gewant . daz ſi niht bezzers brahte . in Etzelen lant . Swie ir genom̄ wære . dˢ Nibelunge golt . alle die ſi geſahen . die machte ſi ir holt . noch mit dem chleinem gvͦte . daz ſi da mohte han . des wir=teſ ingeſinde . wart michel gabe getan . Da widere bot do ere . div frowe Gotelint . den gesſten von dem Rine . ſo minnekliche ſint . daz man do dˢ fremden . harte wenich vant . ſi trvgen ir geſteine . oder ir vil herlich gewant . Do ſi enbizzen waren . vn̄ daz ſi ſolden dan . von dˢ hvͦſfrowen . wart geboten an . getriwelichˢ dieneſt . daz Et=zelen wip . do wart ovch vil getrvtet . der ſchonen íuncfrowen lip . Si ſpᵃch z kuniginne . ſwenne ivch nv dunchet gvͦt . ich weiz wol daz iz gerne . min liebˢ vatˢ tvͦt . daz er mich zvͦz ſendet . in dˢ Hvnin lant . daz ſi ir getriwe wære . vil wol daz Chriemhˢ ervant . Div ros berei=tet waren . fvr Bechelaren chom̄ . ovch het div kuniginne . vrlovp nv ge=nomen . von Rvdegeres wibe . vn̄ von dˢ tohter ſin . do ſchiet ovch ſich mit grvͦze . vil manic ſchone magedin . Einandˢ ſi vil ſelten . geſahen nach den tagen . vzer Medeliche . vf handen wart getragen . manic goltvaz ric=he . dar inne braht man win . den geſten vf die ſtraze . vn̄ bat ſi willecho=men ſin . Ein wirt waſ da geſezzen . Aſtolt was dˢ nant . dˢ wiſte ſi die ſtraze . nidˢ in Oſterlant gegen Mvtaren . die Tvͦnowe Nidˢ . da wart vil wol gedienet . dˢ richen kuniginne ſidˢ . Der Biſſchof minnekliche . von ſiner Nifteln ſchiet . daz ſi den kunic becherte . wie vaſt er ir daz riet . un̄ daz ſi ir ere chovfte . ſam Helche het getan . hey waz ſi grozer eren . ſit da z Hvnin gewan . Zvͦ der Treýſem brahte . man die geſte dan . ir pflagen vlizzekliche . die Rvdegeres man . vnzedaz die Hunin . riten vbˢ lant . do wart dˢ chuniginne . vil michel ere bechant . Bi dˢ Treýſem hete dˢ kunic von Hunin lant . eine burch vil riche . div was wol bechant . ge=heizen Treýſenmvͦre . froͮ Helche ſaz da ê . vn̄ pflach ſo grozer tugende . de wetlich nímmˢ mer erge . Ez tæte danne Chriemˢ . div alſo chvn=de gebn . ſi mohte nach ir leide . daz liep vil wol gelebn . daz ir iahen ere die Etzelen man . dˢ ſi ſit grozen vollen bi den helden gewan . Div etze=len herſchaft . waſ ſo wit erchant . daz man z citen . in ſime hofe vant . die allerbeſten rechen . von den ie wart vˢnomen . vndˢ kriſten un̄ vnder heiden . die waren gein dˢ brvte chomen . Bi im was z citen . daz wætlich mer erge . kriſtenlichˢ orden . vn̄ ovch dˢ heiden ê . in lebene . ſich ieſlichˢ trvͦc . daz ſchvͦf des kuniges milte . daz man allen gap genvͦch . Auent᷑ wie Chriemhˢ vn̄ Ezele brvten in dˢ ſtat ze Wienne . SI was ze Treýſenmvͦre . vnz an den vierden tac . div molte vͦf dˢ ſtraze . die wile nie gelac . ſi ſtvbe ſam iz brunne . allenthalben dan . da riten durch Oſterriche . des kunic Ezelen man . Do waren ovch dem kunige . div mæ=re nv geſeit . des im von gedanchen . ſwnden ſiniv leit . wie herrēlichen Chriemhˢ . da chome durch div lant . er begunde vaſte gahen . da er die minneklichen vant . Von vil maniger ſprache . ſah man vf den wegn . vor Ezelen riten . vil manigen chvnen degen . kriſten vn̄ heiden . vil ma=nic witiv ſchar . da ſi ir frowen fvnden . ſi fvren vrolichen dar . Uon rvz=zen vn̄ von Chriechen . reit da vil manic man . Polanen vn̄ Vlachen . den ſah man ebene gan . ir pferit vn̄ ros div gvten . da ſi mit chreftin riten . ſwaz ſi ſite habeten . dˢ wart vil wenich iht vˢmiten . Von dem lande vz Chýewen . reit ovch da manic man . vn̄ die wilden Peſcenære . da wart des vil getan . mit den bogen ſchiezen . z vogelen da flvͦgen . ir pfíle ſi vil ſere . mit chraft vnz an die wende zvͦgen . Ein ſtat bi Tvͦnowe . lit in . div iſt geheizen Tvlme . da wart ir ſit bechant . vil ma=nic ſite vremde . den ſi nie da vor geſach . ſi enpfiengen da genvge . den leide ſit von ir geſchach . Vor Ezele dem richen . ein geſinde reit . vro in mvͦte . hobeſch vn̄ ovch gemeit . wol vier vn̄ zweinzech fvrſtē rich un̄ her . daz ſi ir frowen ſêhen . da von ne ſi niht mer . Der her=zoge Bamunch . vzer vlâchen lant . mit Siben mannen . chom er fvr ſi gerant . ſam die wilden vogele . ſo ſah man ſi varn . do chome dˢ fvr=ſte Gibeche . mit vil hˢlichen ſcharn . Hornboge dˢ ſnelle . wol mit tvſint man . kerte von me kunige . gein ſinˢ frowen dan . vil lvte wart geſchallet . nach des landes ſiten . von den Hunin magen . wart ovch da ſere geritē . Do chom von Tenemarche . dˢ chvͤne Hawart . un̄ Irinch dˢ ſtarche . vor valſche wol bewart . vn̄ Irnfrit von Dvrīgen . ein fvͤrſte lobeſam . die enpfiengen Chriemhˢ . alſ ez ir eren wol gezam . Mit zwelf hundˢt man=nen . die heten in ſchar . ovch chom dˢ herre Bloͤdelin . mit tuſínt hel=den dar . dˢ Etzelen brvͦdˢ . vz dˢ Hunin lant . dˢ ilte mit den ſinen . da er die kuniginne vant . Do chom dˢ kunic Ezele . vn̄ ovch herre Dietⁱch . . mit allen ſinen degenen . da was vil lobelich . manic ritter edele . biderb vn̄ gvͦt . des wart dˢ chvniginne . eín teil geſenftet dˢ mvͦt . Do ſpᵃch vō Bechelaren . dˢ herre Rvdeger . frowe ivch wil enpfahen . hie dˢ kunic her . ſwen ich iv rate chvſſen . daz ſol ſin getan . ia mvgt ir niht geliche . grvzen alle kuniges man . Do hvp man von dem môre . die kunigī=ne her . Ezele dˢ riche . en ovch do niht mer . er ſtvnt von ſinem roſſe . mit manigem chvnen man . man ſah in vroliche . gein Chriemhˢ gen . Zwen fvrſten riche . alſ vns daz iſt geſeit . bi dˢ frowen giengen . vn̄ habten ir div kleit . do ir dˢ kunic Ezele . hin begegene gie . da ſi den furſten edele . mit chuſſe gvtlich enpfie . Vf rihte ſi ir geben=de ir varwe wol . div lvhte ir vz golde . da ſtvnt vil manic man . die iahen daz froͮ Helche . niht ſchoner chunde ſin . da bi ſtvnt vil nahen . des wirtes brvdˢ Bloͤdelin . Den hiez ſi chuſſen Rvͤdeger . dˢ marcgᵃ rich . vnt den kunic Gibechen . da ſtvnt ovch her Dietrich . dˢ rechen chuſte zwelfe . daz Ezelen wip . do enpfie ſi ſvs mit grvͦze . vil maniges chvnen rechen lip . In der ſelben wile . vn̄ Ezele bi ir ſtvͦnt . do gebarten da die tvmben . ſo noch die lvte tvͦnt . vil manigen pvneýz langen . ſah man da geriten . daz taten kri=ſten degene . vn̄ ovch die heiden nach ir ſiten . Wie rehte hurteklichen . die Dietⁱches man . die ſchefte liezen vliegen . mit trvnzvͦnen dan . vil hohe vbˢ ſchilde . von gvter ritter hant . die ſi da gerne ſahen . die wrden ſchiere bechant . Da wart von ſchefte brechen . vil michel chrach vˢnomen . da wa=ren von dem lande . die rechen alle chomen . vn̄ ovch des chuniges geſte . vil manic edel man . do gie dˢ kunic . mit dˢ kuniginne dan . Si ſahen bi in ſtende . ein vil herlich gezelt . von hutten was erfvllet . alumbe gar daz velt . da ſi vndˢ ſolden rvͦwen . nach ir arebeit . von helden wart gewiſet . vil manic wætlichiv meit . Mit Chriemhˢ dannen . da ſi ſit geſaz . vf ric=he geſidele . dˢ marcgᵃ daz . hete ſo geſchaffen . daz man ez vant vil gvͦt . do ſtvnt dem kunige Ezelen . harte hohe dˢ mvͦt . Waz ſi zeſamne rede=ten . daz iſt mir vnbechant . wan zwiſſchen ſinen handen . was ir wiziv hant . ſi geſazen minnekliche . da Rvdegere dˢ degen . den kunic niht lazen wolde . dˢ frowen heinliche pflegen . Do hiez man lan beliben . den buhvrt vbˢal . mit eren wart vˢendet . da dˢ groze ſchal . do giengen zvͦ den hutten . die Eze=len man . man gab in herberge . vil witen allenthalben dan . Den abent zvͦ dˢ nahte . ſi heten gvͦt gemach . vnz man den liehten morgen . abˢ ſchinen ſach . do was geſatelet Ezelen . vn̄ allen ſinen man . vil maniger chvrcewi=le . man im z eren da began . Der chunic ez lobeliche . die Hunin ſcaf=fen bat . do riten ſi von Tvlme . ze Wiene zv dˢ ſtat . da was vil wol gezie=ret . vil manigˢ frowen lip . ſi enpfiengen wol mit eren . des kunic Ezelen wip . Mit vil grozem vollen . ſo was in bereit . ſwaz ſi haben ſolden . vil manic helt gemeit . entrvſten riche ſætele . die Ezelen man . ſich hvp mit grozen eren . des kuniges hochgeciten an . Si mohten niht beliben . ze wiene in dˢ ſtat . die niht geſte waren . Rvdeger die bat . von dˢ Burege dannen . herbergen in lant . ich wæn man alle cite . bi frowen Chriemhˢ vant . Den herren Dietⁱchen . vn̄ andˢs manigen degn . ſi heten ſich dˢ rowe . mit arebeite bewegn . durchdaz ſi den geſten . getroſten wol den mvͦt . dˢ kunic mit ſi=nen frivnden . hete churcewile gvͦt . Div hochgecite was gevallen . an einen pfinttach do dˢ kunic Ezelei . bi Chriemhˢ lach . in dˢ ſtat ze . ſi wæn ſo ma=nigen man . bi ir erſten vriedel . nie ze gewan . Si chvnte ſich mit gabe . dem dˢ ſi nie geſach . vil maniger dar . zvͦ den geſten ſpᵃch . wir wan=den daz froͮ Chriemhˢ . niht gvͦtes mohte han . nv iſt hie michel wndˢ . von ir gabe getan . Div hochgecit do werte . wol sibenzehn tage . ob chunic ie de=heiner mit warheit odˢ nach ſage . deheiner grozer gewnne . daz iſt vns gar verdeit . alle di da waren . die trvgen iteniwe chleit . Si wæn in Nidˢlan=den . da vor nie geſaz . mit ſo manigem rechen . da von gelovbe ich daz . was Sivrit rich des gvͦtes . daz er doch nie gewan . ſo manigen rechen edelen . als ſi z mohte han . Ovch gab ir nie deheíner . zvͦ ſin ſelbes hochge=zit . ſo manigen richen mantel . lanch . tief . vn̄ wit . noch ſo richer chleidˢ . dˢ ſi vil mohten han . ſo ſi durch Chriemhˢ . alle heten hie getan . Die chun=den un̄ die geſte . die heten einen mvͦt . daz ſi da niht ſparten . deheiner gvͦt . ſwes ieman an ſi gerte . daz gaben ſi bereit . des ſtvnt da vil dˢ de=gene . von milte bloz ane chleit . Wie ſi ze Rine ſæze . ſi gedaht an daz . bi ir vil edelem manne . ir ovgen wrden naz . ſi het vaſte hæle . de iemen chunde ſehn . ir was nach manigem leide . ſo vil dˢ eren hie geſche=hen . Swaz iemen tet mit milte . daz was gar ein wint . vnz an Dietⁱ=chen . ſwaz Botelungeſ chint . im gegebn hete . daz was gar vˢſwant . ovch tet da michel wndˢ . des milten Rvdegeres hant . Vzer vngerlande . dˢ fvrſte Bloͤdelin . dˢ hiez da machen lære . vil manigiv leitſchrin . von Silbˢ vn̄ von golde . daz wart gar hin gegebn . man geſach nie kuniges degene . ſo rehte vroliche lebn . Swemmel vn̄ wêrbel . die Ezelen ſpileman . ich wæn ir ieſlicher . z da gewan . wol ze marchen . oder dannoch baz . da div frowe Chriemhˢ . bi Ezelen vndˢ chronen ſaz . An dem Ahtzehenden morgen . von Wiene ſi do riten . da wart in . ſchilde vil vˢſniten . von ſpern die da fvrten . die rechen an dˢ hant . ſvs chome dˢ kunic Ezele . mit frevden in Hunin lant . Ze dˢ alten . ſi waren vbˢ naht . do chunde niem̄ wizzen . wol des volches aht . mit wie getaner chrefte . ſi riten dvrch daz lant . heý waz man ſchoner frv=wen . in heýmvͤte vant . Ze Mieſenburch dˢ richen . da ſchiften ſi ſich an . daz wazzer wart vˢdechet . von roſſ vn̄ ovch von man . ſam ez erde wære . ſwaz man ſin vbˢſach . die wegemvͤde frowen . heten ſenfte vn̄ oͮch gemach . Zeſamne was gebunden . manic ſchif vil gvͦt . daz in niht ſchaden chunde . die vͤnden noch div flvͦt . dar vbˢ was geſpannen . vil manic gvͦt gezelt . ſam ob ſi noch heten . bediv lant vn̄ velt . Ze Ezelen Buͤrge . div mære chom̄ dan . do frevten ſich dar inne . wibe vn̄ man . daz Helchen in=geſinde . deſ ê div frowe pflach . gelebte bi Chriemhˢ . ſit manigen froͤlic=hen tach . Do ſtvnt in warte . vil manic edel meit . die von Helchen tode . heten manigiv leit . ſiben chunige tohtˢ . Chriemhˢ noch da vant . von den waſ wol gezieret . allez Ezelen lant . Div íuncfrowe Herrat . noch des ge=ſindes pflac . div Helchen ſweſter tohter . an dˢ vil tugende lac . div gemahle Dietⁱches . einſ richen chuniges chint . div Tohter Næntwines . div hete vil dˢ eren ſint . Von dˢ geſte chunfte . ſo troſte ſich ir mvͦt . ovch was dar zv bereítet . vil chreftechlichez gvͦt . wer chunde iv daz beſcheiden . wie ſit dˢ kunic ſaz . ſi gelebten da z Hunin . mit deheiner chvniginne baz . Do dˢ wirt mit ſime wibe . von dem ſtade reít . wer ieſlichiv wære . daz wart zehant geſeit . dˢ edeln kuniginne . ſi grvzte deſte baz . heý wie gewalteklic=he . ſi ſit an Helchen ſtat geſaz . Mit triwen hoher dienſte . wart ir vil be=chant . do teilte div frowe Chriemhˢ . golt vn̄ ovch gewant . ſilber un̄ geſteí=ne . ſwaz ſi des vbˢ Rin . mit ir z Hvnin brahte . daz mvſe gar zerteilet . Ovch wrden ir mit dienſte . ſidˢ vndˢtan . al des chuniges mage . vn̄ alle ſine man . daz nie div frowe Helche . ſo gewaldechlich gebot . ſo ſi nv mvſin die=nen . vnz an den Chriemhˢ tot . Do ſtvnt mit ſolhen eren . dˢ hof vn̄ oͮch daz lant . daz man da z ziten . die churzewile vant . ſwar nach ieſli=chem . daz herce trvch den mvͦt . durch des kuniges liebe . vn̄ ovch die kv=niginne gvͦt . Auent᷑ wie dˢ kunec Ezele vn̄ div frowe C . nach ir frivndᵉn ze Wormez ſandᵉ . IN Alſo hohen eren . daz iſt alwar . ſi wonten bi dem kunige . vn̄z in ſibende iar . di zit div kuniginne . eineſ ſvnes was geneſen . deſ chunde dˢ chunic Ezele nimmˢ vrolicher geweſn . Si wolde niht erwínden . ſi wrbe ſint . daz getovfet wrde . daz Ezelen chint . nach chriſtenlichem rehte . Ortlíep wart ez genant . ſi wolden han ze . vber elliv Ezelen lant . Swaz ie gvͦter tugende . an froͮn Hel=chen lac . des vleiz ſich froͮ Chriemhˢ . dar nach vil manigen tac . die ſite ſi ler=te Herrat . div ellende meit . div hete tovgenliche . nach ir frowen groziv leit . Die fremden vn̄ die chunden . die iahen da zehant . daz nie milter frowe . beſæze ein kuniges lant . noch deheiniv tivͤrr lebte . deſ iach man ir fvr war . ſi erwarp ir lop vil grozen . z Hunin in zwelfte iar . Si hete nv wol erchvnnen . daz ir widˢſtvnt . alſ iz noch furſten wibe . kuniges rechen tvͦnt . vn̄ daz ſi alle cite . zwelf kunige vor ir ſach . do gedahte ma=niger leide . dˢ ir da heime geſach . Si gedaht ovch manigˢ eren . von Ni=belunge lant . dˢ ſi da was gewaltech . vn̄ die ir Hagenen hant . mit Sivri=des tode . hete gar benomen . ſi gedaht ob im daz immˢ . noch ze moͤhte . chomen . Si wnſchte daz ir mvͦter . wære in Hunin lant . ir trovmte daz ir Giſelhˢ . gienge an dˢ hant . bi Ezele dem chunige . ſi chvſt z ſtvͦnt . vil diche in ſenftem ſlafe . ſit wart in arebeiten chvnt . Si chvnde ovch nie vˢgezzen . ſwie wol ir andˢs was . ir ſtarchen hercenleide . in her=cen ſi ez las . mit iamer z ſtvnden . daz man ſit wol bevant . do begvn=de ir abˢ ſalwen . von heizen trahen ir gewant . Ez lac ir an dem hercen . ſpat un̄ frvͦ . wie man ſi ane ſchulde . brahte dˢ zvͦ . daz ſi mvͦſe min=nen . einen heiden man . daz het ir frivnt Hagene . vn̄ ovch Gunthˢ getā . Daz ſi daz rechen moͤhte . des wnſchte alle tage . ich bin nv wol ſo riche . ſwem iz ovch miſſehage . daz ich wol minen vinden . mac gefvͤgen leit . des wær et ich von Tronege . Hagene gerne bereit . Nach den getriwen iamert . diche herce min . die mir da leide taten . moͤht ich bi den geſin . ſo wrde noch errochen . mines mannes lip . des ich vil chvme erbite . ſpᵃch daz iamˢ=hafte wip . Ze liebe ſi do heten alle ſ man . die chriemhˢ rec=hen . daz was wol getan . dˢ kamern dˢ pflac Ekkewart . da von er frivnt gewan . den Chriemhˢ willen . mohte niem̄ vˢſtan . Si gedahte z citen . ſi wold kunic biten . daz er ir des gunde . mit gvͤtlichen ſiten . daz man ir frivnde . bræhte . in Hunín lant . den argen willen niemen an frown chriemhˢ ervant . Do ſi eines nahtes . bi dem kunige lac . mit armen vmbevangen . als er vil dicke pflac . die edelen frowen trvͤten . ſi waſ im ſo dˢ lip . do gedahte an ir vínde . daz vil herliche wip . Si ſpᵃch . zv dem kuníge . vil lieber herre min . ich woldᵉ ivch biten gerne . moͤht ez mit fvͦge ſin . daz ich mich ſehn liezet . wie ich hete daz vˢſolt . ob ir minē frivnden . wæret innechlichen holt . Do ſpᵃch dˢ kunich riche . getriwe was ſin mvͦt . ich bringe ivch des wol innen . ſwa lieb vn̄ gvͦt . den helden widerfvͤre . des mvͤſ ich frevde han . wande ich von wibes minne . bezzer frivnde níe gewan . Do ſpᵃch div kuniginne . iv iſt daz wol geſeit . ich han vil hoher mage . dar iſt mir ſo leit . daz mich die ſo ſelten . rvchent hie geſehn . ich hore min die lvte . niwan fvr ellende iehn . Do ſpᵃch dˢ kunic Eze=le . vil liebiv frowe min . dvht ſi niht ze . ſo ladet ich vbˢ Rin . ſwelh ir da gerne ſæhit . her in lant . div rede ir wol behagete . da ſi den willen ſin ervant . Si ſpᵃch welt ir mir triwe . leiſten herre min . ſo ſvlt ir boten ſenden . von vns vbˢ Rin . ſo ich minen magen . des ich da habe mvͦt . ſo chvmt vns her ze . vil manic edel rittˢ gvͦt . Er ſpᵃch ſwenne ir gebietet . ſo lazet ez geſchehn . ir dorftet iwˢ frivnde . nie ſo ger=ne ſehn . alſ ich hie geſæhe . dˢ edeln Vͦten chint . mich mvͤt daz harte ſere . daz ſi vnſ ſo lange fremde ſint . Er ſpᵃch ob dv ez rateſt . vil liebiv frowe min . di mine Videlêre . nach den frivnden din . wil ich ze ſenden . in Burgonden lant . die Ezelen videlære . hiez man bringe ſa zehant . Die knappen chomen beide . da ir herre ſaz . bi dˢ kuniginne . dˢ kunic in ſagte daz . ſi ſolden boten werden . in frivnde lant . do hiez man in bereiten . harte ſchiere gvͦt gewant . Vn̄ ir vartgeſellen . vier unt zweinzech man . di mit in varn ſolden . z Burgonden dan . in tet dˢ chvních Ezele . chvnt den willen ſín . wie ſi laden ſolden . Gvnthern mit den frivn=den ſín . Do ſpᵃch dˢ kunich riche . ich chvnd minen mvͦt . ich en=bivt minen frivnden . lieb vn̄ allez gvͦt . daz ſi gervchen riten . her in leit . ich han ſo liebˢ geſte . harte ſelten noch bechant . Vn̄ ob ſi mines willen . wellen iht began . die mine chonemage . daz ſi des niht lan . ſi chomen mir ze . zvͦ minˢ hochgecit . wande vil dˢ minen wͤnne . an miner frowen magen lit . Do ſpᵃch dˢ knappen einer . dˢ hiez ſwæmme=lin . benennet vns die hochgecit . wenne ſol div ſin . daz minˢ frowen frivn=de . dar zvͦ mvgen chomen . deſ wart dˢ kuniginne . ir leides harte vil be=nom̄ . Do ſpᵃch dˢ kvnic here . die minen hochgecit . ſvlt ir ze Rine chvn=den . daz ir gewiſ deſ ſit . ze næhſten Svnewenden . ſo wil ich ſi han . die vnſ mit triwen minnen . daz ſi die reiſe niht en . Wir tvͦn ſwaz ir gebietet . ſpᵃch do Wærbelin . in kemenaten bat ſi div kunigin . brin=gen tovgenlichen . da ſi die boten ſpᵃch . da von ſit manigem degene . harte leide geſchach . Si ſpᵃch z boten beiden . ir dienet michel gvͦt . ob minen wil=len . tovgenlichen tvͦt . ſo ſagt ſwaz ich enbiete . heim in lant . ich mac=he ivch gvtes riche . vn̄ gibe iv herlich gewant . Swaz ir dˢ minen frivnde . immˢ mvget geſehn . ze Wormze bi dem Rine . den ſvlt ir niht vˢiehn . daz ir noch ie geſæhet . betrvͤbet minen mvͦt . vn̄ ſaget minen dieneſt . den heleden chvͤn . vn̄ gvͦt . Bitet daz ſi leiſten . daz in dˢ kunic enbot . vn̄ mich da mite ſcheiden . von aller miner not . die Hvnen mvgen wænen . de ane frivnde ſi . ob ich ein ritter hieze . ich wær in eteſwenne bi . Ir ſaget ovch Gernote . dem lieben brvͦdˢ min . daz im z werlde niemen . holdˢ mvͤge ſin . vn̄ bitte in daz er fvͤren . mit im in lant . die vnſer beſten frivnde . de vns z eren ſi gewant . Vn̄ ſagt ovch Giſelhere . er denche wol dar . daz er von minen ſchulden . nie leides niht gewan . deſ ſêhen in vil gerne . hie div ov=gen min . daz wolde ich immˢ mere . hin im diende ſin . Nv ſagt ovch minˢ mvͦtˢ . die ere die ich han . vn̄ ob von Tronege Hagene . welle dort beſtan . wer ſi danne ſolde . wiſen durch div lant . dem ſint die wege von kinde . her z Hvnin wol bekant . Die boten niene weſſen . wa vō daz was getan . daz Hagene dˢ chvͤne . ſolde niht beſtan . hindˢ in Rine . daz wart in ſidˢ leit . mit im was manigem degene . z grimmem to=de widˢſeit . Boteſchaft vn̄ brieve . daz was nv gegebn . ſi fvren gvͦtes riche . vn̄ mohten ſchone lebn . vrlovp gab in Ezele . vn̄ ovch des kunigeᷤ wip . ín waſ mit richˢ wæte . vil wol gezieret dˢ lip . DO Hort man allenthalben . iamer alſo groz . daz Palaſ vn̄ Tvrne . von dem ẘfe erdoz . do hort ez oͮch von Berne . ein Die=triches man . dvrch diſiv ſtarchen mære . wie bald gahen began . Do ſpᵃch er zvͦ dem fvrſten . hort min her Dietrich . ſwaz ich her gelebt han . ſo reht vnmvgelich . gehort ich klage nie mere . alſ ich nv han vˢnomen . ich wæn dˢ kunic Ezele . iſt ſel=be zv dem ſchaden chomen . Wie moͤhten andˢs alle . haben ſolhe not . dˢ chvnic odˢ Chriemhˢ . ir eínez daz iſt tot . von den chunen geſten . dvrch ir nit gelegen . ez weínet harte ſere . vil manic vzerwelter degen . Do ſpᵃch dˢ helt von Berne . mine lieben man . nv gahet niht ze . ſwaz hie hant getan . die ellenden rechen . deſ get in michel not . vn̄ lat ſi geniezen . daz ich in minen vride bot . Do ſpᵃch dˢ chvne Wolfhart . ich wil dar gan . vn̄ wil dˢ mære vragen . waz ſi haben getan . vn̄ wil iv ſagen denne . vil lieber herre min . alſ ich ez rehte ervinde . waz div rede mvͤge ſin . Do ſpᵃch dˢ hˢre Dietⁱch . ſwa man zornes ſich vˢſiht . ob vngefv=giv vrage . denne da geſiht . daz betrvͤbet rechen . vil lihte danne ir mvͦt . ia wil ich niht Wolfhart . daz ir die vrage da z tvͦt . Do hiez er Hel=pfrichen . vil balde dar gan . vn̄ bat in daz ervinden . an Ezelen man . oder an den geſten ſelben . waz wære da geſchehn . do het er níe von lvten . ſo grozer iamer mer geſehen . Der bote vragte balde . waz iſt hie getan . do ſeit man im div mære . da iſt vil gar zergan . ſwaz wir frevden heten . in dˢ Hvnen lant . hie lit erſlagen Rvdeger . von dˢ Bvrgonden hant . Díé im dar in chom̄ . dˢ iſt einer niht geneſen . do chunde Helpfriche . leidˢ nimmˢ weſn . ia ſagt er ſiniv mære . ſo reht vngerne nîe . dˢ bote do hin widˢe . vil ſere weinende gie . Waz habt ir vns erfvnden . ſpᵃch do Diͤ=trich . wie weinet ir ſo ſere . degen Helpfrich . do ſpᵃch dˢ chvne reche . ich mac wol balde chlagen . den gvten Rvdegere . hat vnſ her Gernot erſlagen . Do ſpᵃch dˢ helt von Berne . daz en niht wellen got . daz wær ein ſtarchiv rache . vn̄ oͮch deſ tivfelſ ſpot . wa mite hete Rvdegˢ . an in daz vˢſcholt . ia iſt mir daz wol chvͤnde . er iſt den Bvrgonden holt . Do ſpᵃch dˢ chvͤne Wolfhart . vn̄ he=ten ſi getan . ſo ſolt ez in allen . an ir lebn gan . ob wir in vˢtrvgen . des wæ=ren wir geſchant . ia hat vns vil gedienet . des gvten Rvdegˢs hant . Der vogt der Amelunge . bat iz ervarn baz . vil harte ſeneliche . er in venſter ſaz . do hiez er Hildebrande . zvͦ den geſten dan . daz er an in erfvnde . waz da wære getan . Der ſtvrmechvne reche . meiſtˢ Hildebrant . wedˢ ſchilt noch wafen . trvg an hant . er wolde in zvhten . zv den geſten gan . von ſiner ſweſter chinde . wart im ein ſtrafen getan . Do ſpᵃch dˢ grim=me Wolfhart . welt ir dar blozer gan . ſo mag ez ane eín ſchelten . nimmˢ wol geſtan . ſo mvzet ir laſterliche . tvͦn die widˢvart . ob ir dar chomet gewafent . daz eteſlicher wol bewart . Do garte ſich dˢ wiſe . d᷑ch deſ tvmben rat . e iz erfunde Hildebᵃnt . do waren in ir wat . alle Dietⁱcheſ rechen . vn̄ trvgen ſwert en . dem helde waſ iz leide . vil gerne het er erwant . Er vragte war ſi wolden . wir wellen mit iv dar . waz ob von Tronege Hagene . deſt wirſ getar . gein iv mit ſpotte ſprechen . deſ er chan wol gepflegen . do er die rede gehorte . da von geſtatt in dˢ de=gen . Do ſach dˢ chvne Volker . wol gewafent gan . die rechen vō Berne . die Dietⁱches man . begvrtet mit den ſwerten . ir ſchilde vor der hant . er ſagt ſinen herren . vzer Bvrgonden lant . Do ſpᵃch der Videlære . ich ſihe dort her gan . ſo rehte vientliche . die Dietⁱches man . gewafent vndˢ helme . ſi wellent vns beſtan . mich nimt des michel wn=der . waz wir den rechen haben getan . In den ſelben ziten . chom oͮch Hildebrant . do ſazt fvr die fvze . ſinen ſchildes rant . er begvn=de vragen . die Gunthˢs man . o ir gvten degene . waz het iv Rvde=ger getan . Mich hat min herre Dietⁱch . her zvz geſant . ob erſla=gen hete . iwˢ deheines hant . den edeln marcgᵃ . alſ vns iſt geſeit . wir en vbˢwinden . niht div groͤzlichen leit . Do ſpᵃch dˢ grimme Ha=gene . daz mære iſt vngelogen . wie wol ich iv des gvnde . het ivch dˢ bot betrogen . dvrch Rvdegeres liebe . daz lebte noch ſin lip . den immˢ mvgen weinen . bediv man vn̄ oͮch div wip . Do ſi daz rehte erhorten . daz er wæ=re tot . do chlagten in die degene . ir triwe in daz gebot . den Dietⁱches mannen . ſah man træhene gan . vbˢ bærte vn̄ vbˢ chinne . in waſ vil lei=de getan . Der herzoge vzer Berne . Sigeſtap do ſpᵃch . nv hat gar ein ende . genom̄ dˢ gemach . den vnſ ie fvͦgte Rvdeger . nach vnſer leide tagen . frevde ellendˢ diete . lit von iv degenen erſlagen . Do ſpᵃch von Amelvn=gen . dˢ degen Wͦlfwin . vn̄ ob ich hivte ſæhe . tot den vater min . mir en nimmˢ leidˢ . denne vmbe ſinen lip . o wer ſol nv troͤſten . des gvten marcgᵃven wip . Do ſpᵃch in mvͦte . dˢ chvͤne Wolfhart . wer wiſet nv die rechen . ſo manige hervart . alſo dˢ marcgᵃ . vil diche hat getan . o vil edel Rvdegˢ . de dinen tot gelebt han . Wolfprant vn̄ Helpfrich . vn̄ Helmnot . mit allen ir frivnden . ſi weinten ſinen tot . vor ſvften mohte vragen . niht mer Hildebrant . er ſpᵃch nv tvͦt ir de=gene . dar nach min herre hat geſant . Gebt vnſ Rvdegeren . ſo toten vz dem Sal . an dem gar mit iamer . lit vnſer vrevden val . vn̄ lat vns an im dienen . daz er ie hat began . an vns vil grozer triwen . vn̄ oͮch an manigem vremden man . Wir ſin oͮch ellende . alſ Rvdegˢ dˢ degen . wes lazet ir vnſ biten . lat in vns after wegen . tragen daz wir nach tode . lonen noch dem man . wir heten pillicher . bi ſime lebene getan . Do ſpᵃch dˢ kunec Gvnthˢ . nie dieneſt wart ſo gvͦt . den ein frivnt frivnde . ſo nach tode tvͦt . daz heiz ich ſtæte triwe . ſwer die chan began . ir lonet im von ſchulden . wand iv liebe hat getan . Wie lange ſvln wir vle=gen . ſpᵃch Wolfhart dˢ degen . ſit vnſer troſt dˢ beſte . iſt von iv tot belegen . vn̄ wir ſin leidˢ mere . mvgen niht gehaben . lat in vnſ tragen hinnen . da wir den rechen begraben . Deſ antwrt Volker . niem̄ in iv git . nemt in in dem hvſe . da dˢ degen lit . mit ſinen tiefen wnden . gevallen in blvͦt . ſo iſt ez ein voller dieneſt . den ir hie Rvdegere tvͦt . Do ſpᵃch der chvne Wolfhart . lat ſin her ſpileman . ir dvrfet vnſ niht reizen . ir habt vnſ leit getan . toͤrſt ich vor mime herren . ſo chomt ir in . deſ mvzen wir ez lazen . wan er vnſ ſtrit mit iv vˢbot . Do ſpᵃch dˢ Videlære . dˢ vorht iſt gar ze . ſwaz man im vˢbivtet . dˢ allez lazen wil . daz en ich niht geheizen . rehten heldes mvͦt . div rede dvhte Hagenen . von ſimē hergeſellen gvͦt . Welt ir den ſpot niht lazen . ſpᵃch abˢ Wolf=hart . ich entriht liht die ſeiten . ſwenne ir die widˢvart . ritet gegen Ri=ne . daz ir wol mvgt geſagen . iwˢ vbˢmvͤten . mag ich langer niht vˢtra=gen . Do ſpᵃch dˢ videlære . ſwenn ir die ſeiten min . vˢirret gvͦter done . dˢ iwˢ helmes ſchin . mac wol trvͤbe werden . von der minˢ hant . ſwie ich halte geriten . in dˢ Burgonden lant . Do wold ſpringen . wandaz in niht en . Hildebrant ſin oͤhaim . in vaſte z gevie . ich wæn dv woldeſt ẘten . dvrch dinen tvmben zorn . mineſ herren hvlde . wir hetē immˢ mer vˢlorn . Lat ab den lewen meiſter . er iſt ſo grimme gemvͦt . chvmt er mir z handen . ſpᵃch Volker dˢ helt gvͦt . het er die werlde al=le . mit ſiner hant erſlagen . ich ſlah in daz er widˢſpel . nimmˢ mere darf geſagen . Deſ wart vil harte erzvrnet . dˢ Bernære mvͦt . den ſchilt gezvchte Wolfhart . ein ſneller degen gvͦt . alſam ein lewe wildˢ . lief er vor in dan . im wart ein gæhez volgen . von ſinen frivnden getan . Swie wi=ter ſprvnge er pflæge . fvr des Saleſ want . doch ergahet in vor dˢ ſtiegen . dˢ alde Hiltebrant . er wolde in vor im lazen . niht chomen in den ſtrit . ſi fvnden daz ſi ſvͦchten . an den ellenden ſit . Do geſpranch zvͦ Hagene . maiſtˢ Hildebrant . div ſwert man hort erchlingen . an ir beidˢ hant . ſi waren harte erzvrnet . vil wol erchos man ſint . von ir beidˢ wafen . gie dˢ vivrrotˢ wint . Di wrden do geſcheiden . in des ſtrites not . daz taten die von Berne . alſ in ir chraft gebot . zehant do wande Hildebrant . von Hagene balde dan . do lief dˢ ſtarche Wolfhart . den chvnen Volkeren an . Er ſlvͦc den Videlære . vf den helm gvͦt . daz des ſwertes ecke . vnz an die ſpangen ẘt . daz vˢgalt mit ellen . dˢ chvne ſpileman . do ſlvͦg Wolfhartē . daz er ſtrvchen began . Fivr vz den ringen . deſ hiwen ſi genvͦc . haz ir ieſ=lichˢ dem andern vaſte trvͦc . do ſchiet do von Berne . der degen Wlfwin . ob er ein helt niht wære . deſ en niht geſin . Gvnther dˢ vil chv=ne . mit williger hant . enpfie die helde mære . von Amelunge lant . Giſelhˢ dˢ ſtarche . div liehten helmvaz . dˢ frvmt er da vil manigez . von blvͦte rot vn̄ naz . Danchwart Hagen̄ brvdˢ . waſ ein grimmech man . ſwaz er da vor hete . in getan . den Ezeln rechen . daz waſ gar ein wint . alreſt vaht tobeliche . deſ kvnen Adrianes kint . Gerbart . vn̄ Wic=hart . helpfrich vn̄ Riſchart . die heten in ſtvrmen . vil ſelten ſih geſpart . deſ brahten ſi wol innen . die Gunthˢs man . do ſach man Wolfpᵃn=den . in herliche gan . Da ſtreit er alſ ẘte . dˢ alde Hildebrant . vil manic kvner reche . vor Wolfhartes hant . mit tode mvſe vallen . von ſwˢten in blvͦt . ſvs rachen Rvdegˢe . die rechen kvne vn̄ gvͦt . Sigeſtap von Berne . alſ im ſin ellen riet . heý waz er in dem ſturme . dˢ herten helm ſchriet . den ſinen vianden . Dietⁱches ſweſtˢ ſvͦn . dˢ chvnde in ſtvrme bezzerſ nimmˢ niht getvͦn . Volker dˢ vil ſtarche . do er daz erſach . daz Sigeſtap dˢ chvͤne . den blvtigen bach . hiw vz hˢten ringen . daz was dem degene zorn . do ſprang im begegene . do hete Sigeſtap vˢlorn . Von dem videlære . vil ſchiere alda daz lebn . er begunde in ſiner chunſte . alſolhen teil da gebn . daz er von ſime ſwerte . mvſe ligen tot . daz rach der alde Hildebrant . alſ im ſin ellen daz gebot . O vil liebes herren . ſpᵃch meiſter Hildebrant . dˢ hie lit erſtorben . von Volkeres hant . nv ſol dˢ videlære . langer niht geneſen . zorn dˢ Hildebrandes . chunde grimmer niht geweſen . Do ſlvg Volkere . daz im div helmbant . ſtvben allenthalben . zvͦ des Saleſ want . von helme vn̄ oͮch von ſchilde . dem chvnen ſpileman . da von dˢ videlære . do den ende da gewan . Do drvngen zvͦ dem ſtrite . die Dietⁱches man . ſi ſlvgen daz die ringe . vil hohe wæten dan . vn̄ daz man ort dˢ ſwerte . in gewelbe ſtechen ſach . ſi hiwen vz den helmen . den heize vliezendē bach . Do ſach von Tronege Hagene . Vol=keren tot . daz was z hochgecite . ſin allermeiſtiv not . die er da hete gewnnen . an magen vn̄ an man . o wie grimme Hagene . den helt rechen began . Nv ſol eſ niht geniezen . dˢ alde Hildebᵃnt . mín helfe lit erſlagene . hie von des heldes hant . dˢ beſte hergeſelle . den ie ge=wan . den ſchilt den rvcht hoher . do gie er howende dan . Helpfrich dˢ vil ſtarche . Danchwarten ſlvͦc . Gvnthˢ vn̄ Giſelhˢ . den waſ ez leit genvͦc . do ſi in ſahen vallen . in dˢ ſtarchen not . er het wol vˢgolten . mit ſinen handen ſinen tot . Swie vil von manigen landen . geſamnet wære dar . vil fvrſten chreftekliche . gegen ir chleinen ſchar . wæren die kriſ=ten lvte . widˢ ſi niht geweſen . ſi wæren mit ir ellen . vor allen heiden wol geneſen . Die wile gie do Wolfhart . beide widˢ vn̄ dan . allez howende . die Gvnthˢs man . er waſ die dritten chere . den Palas z chom̄ . ia het er den chunigen . ſo vil dˢ rechen da genomen . Do rief dˢ ſtarche Giſelher . Wolfharten an . o daz ich ſo grimmen . vient ie gewan . edel ritter chvͤne . nv wendet gegen mir . ſi chom̄ zv einandˢ . ſit mit ellenthaftˢ gir . Wolfhart gein Giſelhere . chert in ſtrit . do ſlvg ir ietwedˢe . vil ma=nige wndē wit . ſo rehte chreftechliche . er zvͦ dem kunige dranch . daz im daz blvͦt von fvzen . al vbˢ daz hovbet ſin geſpranch . Mit grimmen ſlegen ſwinden . dˢ edeln Vten chint . enpfie vil pittˢliche . den chvͤnen re=chen ſint . ſwie chvne wolfhart wære . er mohte niht geneſen . vor dem ivngen kvnige . niem̄ dorfte chvner weſen . Do ſlvg er Wolfharte . d᷑ch eine prvnne gvͦt . daz im von dˢ wnden . vil ſere vloz daz blvͦt . er wnte zvͦ dem tode . den Dietⁱches man . ez en ân einen rechen . andˢ niemen getan . Alſo dˢ chvne Wolfhart . dˢ wnden enpfant . den ſchilt liez er do vallen . hohˢ an dˢ hant . hvb daz ſtarchez wafen . daz waſ ſcharpf genvͦc . dvrch helm vn̄ dvrch ringe . dˢ helt do Giſelhˢn ſlvͦc . Si heten bei=de einandˢ . den grimmen tot getan . do lebt oͮch nv niht mere . dˢ Dietⁱches man . wan Hildebrant aleine . do er den neven vallen ſach . im wæn vor ſime tode . ſo rehte leide nie geſchach . Ovch warn gar gevallen . Gunthˢs degene . niwan ſi einen zwene . er vn̄ Hagene . ſi ſtvn=den in dem blvͦte . tief unz an div knie . Hildebrant harte balde . hin vbˢ ſinen neven gie . Er beſloz in mit armen . vn̄ wolde in tragen dan . mit im vz hvͦſe . er mvſe in ligen lan . er waſ ein teil ze . widˢ in daz blvͦt . enpfiel er im vz handen . do blicht vf dˢ degen gvͦt . Do ſpᵃch dˢ totwnde . vil lieber oͤheim min . ir mvget an diſen ziten . mir niht frvͦm geſin . nv hvtet ivch vor Hagene . ia dvnchet ez mich gvͦt . er treit in hercen . einen grimmigen mvͦt . Unde ob mich mine mage . nach tode wellen chlagen . den næhſten vn̄ den beſten . den ſvlt ir daz ſagn . daz ſi nach mir niht weinen . daz iſt ane not . vor eineſ kuniges handen . lige ich hie herlichen tot . Ich han oͮch ſo vˢgolten . hier inne minen lip . daz ez wol mvgen beweinen . dˢ gvten ritter wip . ob ivch des iemen vrage . ſo mvget ir balde ſagen . vor min eines handen . ir lit wol hundˢt erſlagen . Do gedaht oͮch Ha=gene . an den ſpileman . dem dˢ alde Hildebrant . ſin lebn an gewan . do ſpᵃch er zv dem kvnige . ir geltet minív leit . ir habt vnſ hinne erbvn=nen . vil maniges rechen gemeit . Er ſlvͦg vf Hildebranden . daz man wol vˢnam . Balmvngen diezen . daz Sivride nam . Hagene dˢ chune . da er den rechen ſlvͦc . do widˢſtvnt im Hildebrant . dˢ im vil wenic iht vˢtrvͦc . Der wolfhartes oͤheim . ſlvͦg ein wafen breit . vf Hagenen von Tronege . daz oͮch vil ſere ſneit . do chund niht vˢwnden . den Gvnthˢs man . do ſlvͦg abˢ in Hagene . dvrch eine prvnne wol . Alſo meiſter Hilde=brant . dˢ wnden enpfant . do vorht er ſchaden mere . von dˢ Hagenen hant . den ſchilt warf er vbˢ rvcke . dˢ Dietriches man . mít dˢ ſtarchen wn=den . dˢ helt vil chvͦme danne entran . Dar inne waſ niem̄ lebnde . alſ ich geſaget han . niwan die einen zwene . Gunthˢ vn̄ oͮch ſin man . mit blvte gie bervnnen . dˢ alde Hildebrant . er brahte leidiv mære . da er ſinen herren vant . Do ſah trvrechliche . ſizzen hie den man . lei=des michel mere . dˢ fvrſte do gewan . alſ er Hildebranden . erſach von blv=te rot . do vragt er in der mære . alſ im div ſorge gebot . Wan ſagt ir mir meiſter . wie ſit ir ſo naz . wͦrden von dem blvͦte . odˢ wer tet iv daz . ich wên ir mit den geſten . z hvſe habt geſtriten . ich vˢbot ez iv ſo ſere . do wær ez pillich vˢmiten . Swie vbel diſiv mære . mir ſten ze . er ſpᵃch diſe wnden . ſlvͦc mir Hagene . do ich vz dem hvſe wolde wenden . wie chvͦm ich ih mit dem lebene . dem ſelben valande entran . Do ſpᵃch dˢ Bernære . vil reht iſt iv geſchehn . do ir mich frivntſchefte . den helden hortet iehn . daz ir den vride brachet . den ich in het gegeben . hete ih niht immˢ ſchande . ir ſoldet vlieſen daz leben . Nv zvrnet niht ſo ſere . min herre Dietⁱch . an mir vn̄ minen frivnden . dˢ ſchade iſt gremlich . wir wolden Rvdegeren . getragen haben dan . deſ en vns niht gvnnen . deſ kvnec Gunthˢs man . So we mir dirre leide . iſt Rv=degˢ doch tot . daz mvz mir ſin ein iamˢ vor aller miner not . Gotelint div edele . iſt minˢ baſen chint . ach we dˢ armen weiſen . die da ze Bechela=ren ſint . Riwen vn̄ oͮch leides . mant in do ſin tot . er begvnde ſtarche weinen . deſ gie dem helede not . o getⁱwer helfe . dˢ ich vˢlorn han . ia vbˢwinde ich nimmer . deſ kunic Ezeln man . Er ſpᵃch ze Hildebran=de . mvget ir mir doch ſagen . wer dˢ degen wære . dˢ in da hat erſlagen . er ſpᵃch daz tet mit chreften . dˢ ſtarche Gernot . vor Rvdegerſ handen . mvͦſ vͮch dˢ degn ligen tot . ER ſpᵃch meiſter Hildebᵃnt . nv ſaget minen man . daz ſi ſich balde wafen . ia wil ich dar gan . vn̄ heizet mir gewinnen . min liehtez wichgewant . ich wil ſelbe vragen . die helede vz Burgonden lant . Do ſpᵃch meiſter Hildebᵃnt . wer ſol zvͦz gen . ſwaz ir habt dˢ leben=den . die ſeht ir bi iv ſten . daz bin ich alterſeine . die andˢn die ſint tot . do erſchract dirre mære . deſ gie dem rechen groziv not . Wand leit ſo gro=zez . z werlde nie gewan . er ſpᵃch unt ſint erſtorben . alle mine man . ſo hat min got vˢgezzen . ich was ein kunic rich . nv mag ich wol heizen . der vil arme Dietⁱch . Wie chund ſich gefvgen . ſpᵃch abˢ Dietⁱch . daz ſi alle ſint erſtorben . die helde lobelich . von den ſtritmvden . die doch heten not . wan dvrch min vngelvcke . in wære vremde noch dˢ tot . O vil liebˢ Wolfhart . ſol ich dich han vˢlorn . ſo mac mich balde riwen . daz ich ie wart geborn . Sigeſtap vn̄ Wlfwin . vn̄ oͮch Wolfpᵃnt . wer ſol mir danne helfen . in Amelvnge lant . Helpfrich dˢ vil chvͤne . vn̄ iſt mir dˢ erſlagen . Gerbart vn̄ Wichart . wie ſolde ich die vˢklagen . daz iſt an minen frevden . mir dˢ leſte tac . o daz vor leide . niem̄ ſterben ne mac . Auent᷑ wie dˢ hˢre Die=trich Gunthˢn vn̄ Hagen̄ betwanch . DO ſvchte dˢ hˢre Dietⁱch ſelbe ſin gewant . do half daz er ſich wafent . maiſtˢ Hildebᵃnt do chlaget alſo ſere . dˢ chreftige man . daz im daz hvs erdiezen . gein ſiner ſtimme began . Der helt gewan do widˢe . rehten mannes mvͦt . in wart gewafent . do dˢ de=gen gvͦt . einen ſchilten vil veſten . den nam er an die hant . nach ſchaden in do troſte . dˢ vil chune Hildebrant . Do ſpᵃch von Tronege Hagene . ich ſihe dort her gan . den herren Dietⁱchen . dˢ wil vnſ beſtan . nach ſinne ſtarchen leide . daz im iſt hie geſchehn . man ſol daz hivte chieſen . wem man deſ beſ=ten mvge iehn . Ia dvnchet ſich von Berne . dˢ herre Dietⁱch . nie ſo ſtarch des libes . vn̄ oͮch ſo gremelich . vn̄ wil er an vns rechen . daz im iſt getan . alſo reite Hagene . ich tarr in rehte wol beſtan . Die rede erhorte Di=etⁱch . vn̄ Hildebrant . er gie da er die rechen . beide ſtende vant . vzen vor dem hvſe . geleinet an den Sal . ſinen ſchilt den gvten . den ſazte Dietⁱch ze . In ſorgen . ſpᵃch do Dietⁱch . wie habt ir ſo geworben . Gunthˢ ein chunic rich . ich ellender reche . waz iſt an mir getan . alleſ mineſ troſteſ . des bin ich eine beſtan . Ivch en niht dˢ volle . an dˢ vil grozen not . do ir vnſ Rvdegeren . den rechen ſlvget tot . nv habt ir mir erbunnen . aller miner man . ia het ich iv degenen . ſolher leide niht getan . Gedenchet an ivch ſelben . vn̄ an iwˢ leit . tot dˢ iwˢ frivnde . vn̄ oͮch div arebeit . ob ez iv gvten degenen . beſwæret iht den mvͦt . o wie rehte vnſanfte . mir tot dˢ Rvdegers tot . Ez geſaͤch in dˢ werlde . nie manne leidˢ mer . ir gedahtet vbele . an min vn̄ an îwˢ ſer . ſwaz ich frevden hete . div lit von iv erſlagen . ia chan ich nimmˢ mere . die mine mage vˢchlagen . Ia ſin wir niht ſo ſchuldich . ſpᵃch do Hagene . ez chomen her z hvſe . die iwˢn degene . ze vlize wol gewafent . mit ir ſchar ſo breit . mich dvnchet wie iv div mære . niht ze ſin geſeit . Waz ſol ich anders gelovben . mir ſagt Hildebrant . do mine rechen gerten . von Amelunge lant . daz ir in Rvdegere . gæbet vz dem Sal . do tat ir niwan ſpottens . die chvnen helde her ze . Do ſpᵃch dˢ kunec Von Rine . ſi iahen wolden tragen . Rvͤdegeren hinnen . den hiez ich in vˢſagen . Ezeln ze leide . vn̄ niht den dinen mā . vnzedaz do Wolfhart . dar vmbe ſchelten began . Do ſpᵃch dˢ helt von Ber=ne . ez mvͤſe et alſo ſin . Gunthˢ kunec edele . dvrch die zvhte din . ſo ergezzet mich dˢ leide . die mir ſint getan . vn̄ ſvn ritter chuͤne . ſo wil ich gar die ſchulde lan . Ergip dich mir ze . dv vn̄ oͮch din man . ſo wil ich ivch behvten . ſo ich beſte chan . daz iv hie z Hvnen niemen niht en . ir ſvlt an mir niht vinden . niwan triwe vn̄ gvͦt . Nv welle got von hime=le . ſpᵃch do Hagene . daz ſich dir ergeben . zwen degene . die dv ſo wærliche . ſi=heſt gewafent ſtan . daz hiez ein michel ſchande . vn̄ wær oͮch vbele getan . Ir ſvlt ez niht vˢſprechen . ſpᵃch abˢ Dietⁱch . Gunthˢ vn̄ Hagene . ia habt ir beide mich . ſo ſere beſwæret . min herce vn̄ oͮch den mvͦt . welt ir mich er=gezzen . daz ir vil pillichen tvͦt . Ich gib iv mine tⁱwe . vn̄ giht iv min hant . daz ich mit iv rite . heim in iwˢ lant . ich beleite iv nach den eren . odˢ ich gelige tot . ich wil dvrch ivch vˢchieſen . dˢ minen grozlichen not . Nv gewæhent ſin niht mere . ſpᵃch abˢ Hagene . von vnſ en daz mæ=re niht ze ſagene . daz ſich iwˢ ergæben . zwene alſo chvne man . nv ſiht mā niem̄ mære . bi iv wan Hildebrande ſtan . Deſ antwrt Hildebrant . ivch mohte wol gezemen . den fride mines herren . ob ir den rvchet nemen . ez chvmt noch an die ſtunde . vil liht in cit . daz ir in gerne næmet vn̄ in iv danne niem̄ git . Ia neme ich ê die ſvͦne . ſpᵃch do Hagene . ê ih ſo laſterliche . von eime degene . flvhe meiſter Hildebᵃnt . alſ ir habt hie ge=tan . ich wande dar ir kundet . baz gein viande ſtan . Do ſpᵃch meiſter Hildebᵃnt . z vˢwizzet ir mir daz . nv wer was dˢ vf eime ſchilde . vor dem Waſchenſtein ſaz . do im von ſpan Walther . ſo vil dˢ frivnde ſlvͦc . oͮch habt ir noch ze zeigen . an iv ſelben genvͦc . Do ſpᵃch dˢ fvrſte dietⁱch . wie zimt daz helede lip . daz ſi ſvln ſchelten . ſam div alten wip . ich vˢbivt iv Hildebrant . daz ir iht ſprechet mer . mich ellenden rechen . twingent grozlichiv ſer . Lat hoͤren frivnt Hagene . ſpᵃch do Dietⁱch . waz ir ê redetet . ir rechen lobelich . do ir mih gewafent . zvͦz ſahet gan . ir iahet daz ir eine . mit ſtrite woldet mich beſtan . Ia lovgent iv des niem̄ . ſpᵃch Hagene dˢ degen . i welle ez hie vˢſvͦchen . mit ſtichen un̄ mit ſlegen . ez en daz mir zebreſte . daz Nibelunges ſwert . mich mvͤt daz mines herren . vn̄ min ze iſt gegert . Do dˢ reche erhorte . den grimm̄ Hagenen mvͦt . den ſchilt vil balde zvchte . dˢ ſnelle degen gvͦt . wie balde gein im Hagene . von dˢ ſtiegen ſpᵃnch . Nibelungeſ ſwert daz gvͦte . vil lvͦt vf Dietⁱche erchlanch . Do weſ=ſe wol her Dietⁱch . daz dˢ chune man . vil grimmes mvtes wære . ſchermen im began . dˢ voget von Berne . vor angeſtlichen ſlegen . wol erchand Ha=genen . er waſ ein vzerwelter degen . Ovch vorht er balmungen . ein wa=fen ſtarch genvͦc . vndˢwilen Dietⁱch . mit liſten widˢ ſlvͦc . vnzedaz er Ha=genen . mit ſtrite doch betwanch . er ſlvͦg im eine wnden . div waſ tief vn̄ lanch . Do daht dˢ herre Dietⁱch . dv biſt in erwigen . ih han es luzzil ere . ſolt nv tot geligen . ich wil ez ſvs vˢſvchen . ob ich ertwingen chan . dich mir z giſel . daz wart mit ſorgen getan . Den ſchilt lie vallen Die=trich . ſin ſterche div waſ groz . mit beiden ſinen armen . er Hagen̄ vmbe=ſloz . do wart von im betwngen . dˢ vil chvͤne man . Gunthˢ dˢ vil edele . dar trvrin began . Hagenen bant do Dietrich . vn̄ fvrt in da er vāt . die edeln Chriemhˢ . vn̄ gab ir bi dˢ hant . den chvniſten rechen . dˢ ie ſwert getrvͦc . nach ir vil ſtarchem leide . do wart ir liebe genvͦc . Vor frevden neich dem rechen . daz Ezeln wip . immˢ ſi dir ſælic . din herce vn̄ oͮch din lip . dv haſt mich wol ergezzet . nach aller miner not . ich ſol ez im=mer dienen . mich en dˢ tot . Do ſpᵃch dˢ herre Dietⁱch . ir ſvlt in lan geneſen . vil edeliv kvniḡ . ez mac vil wol noch weſen . daz ivch ſin dienſt ergezzet . des er iv hat getan . er ſol deſ niht engelten . daz man in ſiht gebunden ſtan . Do hiez ſi fvren Hagen̄ . an ſin vngemach da er lac beſlozzen . vn̄ da in niemen ſach . Gunthˢ dˢ kunec edele . rvfen do began . war chom dˢ helt von Berne . er hat mir leide getan . Do gie im hin bege=gene . der herre Dietⁱch . daz Guntherſ ellen . daz waſ ſo lobelich . er beite do niht mere . er lief her fvr den Sal . von ir beidˢ ſwˢten hvp ſich ein vnge=fvger ſchal . Swie vil dˢ herre Dietⁱch . lange waſ gelobt . Gunthˢ was . ſo ſere . erzvrnet vn̄ ertobt . wand nach ſtarchen leiden . ſin hercevient waſ . man ſagt noch fvr wnder . daz do Dietⁱch ie genas . Ir ellen vn̄ ir ſterche . beide warn groz . Palaſ vn̄ tvrne . von den ſlegen doz . do ſi mit ſwerten hewen . vf die helme gvͦt . ez het dˢ kunic Gunthˢ . einen hˢlichen mvͦt . Sit twange in dˢ von Berne . ſam Hagenen ê ge=ſchach . daz blvͦt man durch die ringe . dem helde vliezen ſach . von eí=me ſcharpfen ſwˢte . daz trvͦc her Dietⁱch . doch het gewert Gunther . nach mvde lobeliche ſich . Der herre wart gebunden . von Dietⁱches hant . ſwie kunige nie ſolden . liden ſolhiv bant . er daht ob er sie lieze . vngebundē weſen . daz ſi zwene in lande . niem̄ liezen gene=ſen . Der Vogt von Berne . dˢ nam in bi dˢ hant . do braht in gebunden . da er Chriemhˢ vant . do waſ mit ſime leide . ir ſorge ein teil benomen . ſi ſpᵃch chunic Gunthˢ . ſit mir groze willechomen . Er ſpᵃch ich ſolt nigen . vil edel ſweſtˢ min . ob iwˢ grvͤzen moͤhte . ge=nêdichlichˢ ſin . ich weiz ivch kvniḡ . ſo zornic gemvͦt . daz ir mir vn̄ Hagen̄ . vil ſwachez grvzen getvͦt . Do ſpᵃch dˢ helt von Berne . vil edel kuniges wip . ez en nie giſel mere . ſo gvͦtˢ rittˢ lip . alſ ich iv frowe here . an gegeben han . nv ſvlt ir die ellenden . min vil wol geniezen lan . Si iach ſi tæt iz gerne . do gie dˢ chune man . mit weinenden ovgen . von in balde dan . ſi rach ſich gremliche . daz ezeln wip . den vzerwelten degenen . nam ſi beiden den lip . Si lie ſi ligen ſvnder . dvrch ir vngemach . daz ir ſit dewedere . den an=dern nie geſach . ſwie ez vˢlobt hete . daz vil edele wip . ſi daht ich geriche hivte . mins vil lieben mannes lip . Do gie div kuniḡ . da ſi Hagenen ſach . wie reht erbolgenliche . ſi zvͦ dem rechen ſpᵃch . welt ir mir geben widˢe . daz ir mir habt genomen . ſo mvget ir mit dem lebene . widˢ z Burgonden chomen . Do ſpᵃch dˢ grimme Hagen̄ . div lei rede iſt gar vˢlorn . vil edeliv kvniḡ . ia han ich des geſworn . daz ich den hort iht zeige . diewile deheinˢ lebe . dˢ minen edelen herren . vn̄ in niemanne gebe . Er wiſte wol div mære . ſi liezen in niht geneſen . wie mohte ein vntriwe . immˢ ſtercher weſen . er vorhte ſo ſi hete . im ſinen lip genom̄ . daz ſi danne ir brvͦdˢ . lieze heim ze lande chom̄ . Ich bring an ein ende . gedaht daz edel wip . do hiez ſi ir brvͦdˢ . nem̄ den lip . man ſlvͦg im abe daz hovbet . bi hare ſi ez trvͦc . fvr den helt von Tronege . do warde im leide genvͦc . Alſo dˢ vngemvͦte . ſins herren hovbet ſach . widˢ chriemhˢ . do dˢ reche ſpᵃch . dv haſt ez z ende . nach dime willen braht . vn̄ iſt oͮch rehte ergangen . alſ ich mir hete gedaht . Nv iſt vō Bvrgonden . dˢ edel kunec tot . Giſelhˢ vn̄ Volker . Danchwart vn̄ Gernot . den hort den weiz nv niemen . wan got vn̄ min . dˢ ſol dich Vælændinne . immˢ wol vˢholn ſin . Si ſpᵃch ſo habt ir vbele . geltes mich gewert . ſo wil doch ich behalten . daz Sivrides ſwert . daz trvͦc min holdˢ vriedel . do ir im namet den lip . mortlich mit vntriwen . ſpᵃch do daz iamˢhafte wip . Si zoch ez von dˢ ſcheiden . daz en niht gewern . do dahte ſi den rechen . des libes vol behern . ſi hvb mit ir handen . daz hovpt ſi im abe ſlvͦc . daz ſach dˢ kunic Ezele . do was im leide genvͦc . Wafen ſpᵃch dˢ furſte . wie iſt nv tot gelegen . von eines wibes handen . dˢ allerbeſte degen . dˢ ie chom ze . odˢ ie ſchilt getrvͦc . ſwie vient ich im wære . ez iſt mir leide genvͦc . Do ſpᵃch meiſtˢ Hildebrant . ia genivzet ſi eſ niht . daz ſi in ſlahen torſte . ſwaz halt mir geſchiht . ſwie er mich ſelben bræhte . in not . idoch ſo wil ich rechen . deſ vil chvnen rechen tot . Hildebrant mit zorne . zvͦ Chriemhˢ ſpᵃnch . er ſlvͦc dˢ chuniginne . ein̄ grimmen ſwanch . ia tet ir div ſorge . von dem degene we . ſi mohte lvzzil helfen . daz ſi ſo angeſtlichen ſcre . Do was gelegen aller . da dˢ veigen lip . ze lac vˢhowen . do daz edel wip . E=zel vn̄ Dietⁱch weinen do began . ſi chlageten iæmˢliche . alle ir mage vn̄ man . Div vil michel ere . was da gelegen tot . die lvte heten alle . iamer vn̄ Not . mit leide was vˢendet . deſ kuniges hochgecit . alſ ie div leͥbe leide . an dem ende gerne git . I chan ivch niht beſcheiden . waz ſidˢ da geſhach . wan chriſten vn̄ heiden weinen man do ſach . wibe vn̄ knehte . vn̄ manige ſchone meit . die heten nach ir frivnden . die allˢgroziſten leit . I ſage iv nv niht mere . von dˢ grozen not . die da erſlagen waren . die lazen ligen tot . wie ir dīch an geviengen . ſit der Hvnen diet . hie hat daz mære . ein ende . daz iſt dˢ Nibelunge liet .